2019-10-14
2019-10-14 本文已影响0人
雪域江
དྲན་པའི་གདུང་འབོད།
2019-10-14
དྲན་པའི་གདུང་འབོད།
གངས་ཆབ།
འོད་ཆེན་རྟ་བདུན་དབང་བོས།། འཛམ་གླིང་དྲོད་ཀྱིས་བསྐྱངས་དུས།། དྲིན་ཆེན་རྩ་བའི་བླ་མའི།། མཛད་པ་ཕྲིན་ལས་དྲན་སོང་།།
དཀར་གསལ་ཟླ་བའི་དཀྱིལ་འཁོར།། ཤར་རིའི་ཕྲག་ནས་འཛུམ་དུས།། བྱིན་ལྡན་བླ་མའི་དགྱེས་ཞལ།། དྲན་པའི་ངོགས་སུ་ཤར་ཡོང་།། ལྷོ་ནུབ་ཆུ་འཛིན་ཁྲོད་ནས།། གཡུ་འབྲུག་སྐད་སྙན་སྒྲོག་དུས།། གདམས་ངག་བདུད་རྩིའི་དངོས་གྲུབ།། སེམས་པའི་གཏིང་ནས་གློད་ཡོང་།། དྲན་དྲན་བླ་མ་དྲན་སོང་།། བསྒུག་བསྒུག་ཡང་སྤྲུལ་བསྒུག་ཡོད།། ཉིན་མཚན་དུས་དྲུག་ཀུན་ཏུ།། གསོལ་བ་སྙིང་ནས་བཏབ་ཡོད།།
