سېغىنىش
2017-01-12 本文已影响0人
Mavlan写出你的心声
سېغىنىش
گۆردىن جىمجىت يەنە بىر كىچە
ئاي كۆرۈنمەس يۇلتۇزلار غەمكىن
ۋىناس ئوينار قار بىلەن شامال
كوچىلاردا چىراقلار تەمكىن
شېرىن چۈشكە شۇڭغىدى ھەممە
ئەمما ئۇيقۇ كۆزۈمدە ھارام.
سېغىنىشتا تولغىنار يۈرەك.
ئەسلىمىدە پىژىلدار يارام
خىياللىرىم بولۇپ پايانداز
ئىستانبۇلغا ئاپىرىپ تاشلار
شېئىر يازغان قەغەزلىرىمنى
گۈرۈلدىتىپ كۆيدۈرەر ياشلار
سۆيۈپ گۈلنىڭ نازۇك بەرگىگە
شاماللارغا تاپشۇردۇم ئۇنى
لەۋلىرىڭگە تەگسۇن شۇ ياپراق
مېنىڭ لېۋىم دەپ بىلگىن بۇنى
خوتەن 12يانۋار
كىچە سائەت 2:18
مەۋلان مەتروزى
