讲讲沪语方言之－－谈谈“推扳”迭个词眼
吾伲国家是属于一个多民族个国家，拥有56个民族，勿单单是迭能样子唻，勒每一个地方自然就会拥有方言闲话（土语），还拥有伊独有个特色搭精彩，也可以讲是属于“三里不同调，十里不同音”，就算是同一个区域覅同个地方，邪气有可能还覅一定能听得懂，只有本土长大个人侪能领会并体会到，外唻人就更加覅一定能去体会。
为此，还为能更好个说明迭种情况，就让吾唻列举迭个方面个例子伐。比方讲：勒江浙沪一带，有两种独有个曲艺样式，伊拉分别就是《独脚戏》搭《滑稽戏》，勒吾所在个城市上海市，勒《独脚戏》搭《滑稽戏》里向，就拥有一个邪气经典个段子，伊个名字就叫做：《十三人搓麻将》。还勒《十三人搓麻将》里向，就运用有13种地方方言闲话，就有13个人勒讲自家个家乡方言闲话，迭个13种方言闲话分别就是：江苏江北话、江苏无锡话、江苏丹阳话、江苏常州话、江苏常熟话、江苏苏州话、浙江杭州话、浙江绍兴话、浙江宁波话、山东话、广东话、上海市区话、上海浦东话、上海崇明话。从迭个段子就可以看出，上海是一座邪气典型个移民类型城市，以江浙两省移民人数顶顶多，造成像上海方言闲话是属于丰富多彩生动有趣活泼。
沪语方言闲话（土语），伊同样也是属于“吴语”方言体系个，伊顶顶主要个各种方言闲话，还是以本乡本土个方言语言为主，还会夹杂着外唻个、各个地方个方言闲话，勒拉其中有一个词眼就是叫作“推扳”，像迭个词眼就可以讲是属于一个外唻地方词眼，辰光一长久而久之使用得交关多以后，因此就演变成为沪语方言闲话（土语）。
吾还看到过迭能个一条关于“推扳”个新闻话题，因为“推扳”迭个词眼就是属于一个外唻个地方词眼，故而讲，就会有交关多个江浙两地人，侪是勒讲“推扳”是吾伲家乡独有个闲话。江苏南通地区人就会得开口去讲：“吾伲南通人侪是会得常庄性去使用迭个词眼个！”浙江慈溪地区人同样会得大声唻讲道：“像迭个词眼个发源地就勒吾伲慈溪地区好伐，其他地方个人讲属于伊拉个家乡方言闲话，绝对是覅大正宗个，通通侪是勒冒大蒜瞎讲八讲乱话三千好伐！”……
像“推扳”迭个方言词眼，伊个读音就是为：[ tuī bān ]，伊所要去表达个意思侪是勒讲：伊既可以写成“推班”，伊也可以写成“推板”，侪是属于一个方言词眼，意思是勒讲或覅好或马虎。
个人却是迭能样子唻理解、认得并去认为个，像迭个两块地方个人，迭些人讲得侪是呒没啥个错个，像“推扳”迭个词眼，勿单单是迭两块地方个人，而且还是属于江浙沪三个地方共有共用个方言词眼。并覅存在，啥个地区或区域里向个人是发明勒拉前头个，啥个地区或区域里向个人根本就覅是发明人。“推扳”迭个词眼个“出现”搭“发明”，个人还认为还是搭江南地区是水乡，出行侪是要依靠船只，是有交关密切个关系，因此会有交关多个词眼，带有邪气明显个江南地区特色，大家口口相传，一代传一代，流传到今早未曾败落。
勒拉中华民族历史个前进、演变搭发展个全过程当中，有些行当搭习俗已经消失忒，但从中孕育出唻个词眼，一直到今早仔却依然还勒流传搭流行当中哦，其中之一就是要算“推扳”迭个词眼哦！
还勒吾伲国家个历史浪向搭发展个全过程当中，勒拉中国个大地上头，至少勒现代化交通工具还呒没发明之前并引进到中国地区，由于勒江南地区，尤其是对于“江浙沪”一带个区域唻讲伐，可以讲就是属于水网密布纵横交错，勒拉掰搿辰光，顶顶方便与顶顶快速个出行方式侪是需要各式各样个“船只”个，基本浪向经济条件稍许好一眼眼个人家，顶顶起码要拥有一艘船只个，而且勒拉掰搿辰光个人，大家侪是会去操作“摇撸”迭桩事体个，要是覅会去操作“摇撸”迭桩事体，侪是呒没办法出行个。据吾查到个历史以后就获悉到迭能个一桩事体，至少辰光要勒一两百年个前头，江浙沪一带还侪是迭能样子个，依旧是勒拉掰搿辰光，交通出行或交通工具方面，基本浪向还是以水路为主，要是到亲眷屋里向做人客就要去乘船；跑外码头、到外面去闯世界做各类营生，需要去乘船；就算某些搛铜钿人家，会专门抽几天空闲时间，到外头去白相相领领各地个风土人情，同样也是迭能样子哦！某些穷人家，也是拥有各式各样个船只哦，伊拉个收入唻源方式，就是通过摇撸、撑船搭跑运输，唻维持自家个日脚。
就有一句老古闲话是讲得邪气好个，伊是迭能唻讲到个，曰：“上有天堂，下有苏杭！”勒拉掰搿辰光，上海人乘船去苏州白相个闲话，夕发朝至，夜到头出发，第尼天个早浪向侪能够到达个，像迭能样子个一种做法，还可以去省下栈房铜钿。演变到后首唻个辰光，要是讲有上海人勒拉夜里向，打瞌冲睏觉睏着勒以后，吾伲就会得去讲：“侬去看看伊啊，刚刚还勒拉搭吾伲讲闲话嘎讪胡唻，一歇歇么伊到苏州去，迭歇歇吾伲就覅要再去打扰伊，硬劲拨伊弄醒伊要覅开心个，好勒好勒，今早仔讲闲话就此结束，等到明早仔再去讲伐！”……
既然有乘船个人，自然就会有“摇船”个人哦。“摇船”又拨叫做“摇橹”。吾曾经还听到外公倪根生生前讲过迭能一段闲话，伊讲道：“伊是正宗个宁波镇海地区人，勒拉民国时期，因为战争等综合因素，自家个爷老头子老早仔就已经弹老三仔，伊只好搭伊个姆妈陆海梅，以及大阿弟倪毛弟、小阿弟倪小弟一家四口人，一路逃难到上海滩浪向唻。等到伊本人长大成人以后，伊最初个营生就是依靠做跑船摇橹迭个生活个，勒拉抗战还呒没结束个辰光，某一天伊勒拉黄浦江浪向跑船摇橹个辰光，因为外公实在是听覅懂日本东洋鬼子讲个闲话搭指挥以后，日本人就重重个拨伊喫正反面两记耳光，所以外公对日本东洋鬼子顶顶恨，伊讲可以简直是恨到骨头里向去！”……
伊继续去讲道：“勒拉‘摇橹’个辰光，就有顶顶关键个两个动作，伊拉分别就是指‘推艄’搭‘扳艄’，看起唻迭俩个动作好像是邪气简单个，覅就是一推一扳嘛，但拨过，所要用个力气，一定要恰到好处哦，既覅能用力过头，也覅能力气用得覅够，只有迭能样子去做个闲话，船只侪跑得动、侪会得向前行，要覅然个闲话，覅是船只跑覅动，就是会去跑偏忒个，还要根据今早仔天气变化搭江面浪向风浪情况，适时个去调整方向搭动作唻，因此‘掰搿老生活是一眼眼啊推扳覅起个’！”……到后首唻，虽然跑船摇撸迭门行当，伴随着科技个发展搭进步完全是拨消失忒，但拨过，“推扳”迭个词眼却拨大家保留下唻，而且去讲个人啊是变得交关多，就拨“推扳”迭个词眼引申去解释，伊个意思就是表示“相差”，或者“差一眼眼”。
比方讲：“由于猪瘟，有交关多个猪肉侪拨屠杀忒，伊个价钿，今年仔搭去年仔去做一个比较，简直就要推扳个勿勿少少唻。”
除忒吾勒拉上述所举例个“推扳”搭界个词眼语句之外，要是再去寻找个闲话，还拥有勿勿少少多个搭“推扳”搭界个词眼唻。
勒拉吴语方言闲话当中，“推扳”迭个词眼原先主要是指“相差那么一眼眼”，后首唻就拨引申为：由某一类个人或人群，勒拉做人搭做事体方面侪是属于“邪气差劲个。”就让吾唻列举一个例子，以便就能更好个说明迭种情况。比方讲有人用沪语方言唻讲道：“掰搿人勒拉做人方面侪是邪气推扳个，伊本人也是欢喜喫香烟迭桩事体个，伊也只会得去喫喫‘伸手牌香烟’，吾每趟仔也只有看到人家勒拉发香烟拨伊喫喫，吾从唻呒没看到过伊发香烟拨别人家喫过哦！”
像上头个迭段沪语方言意思勒讲：伊做人方面是覅唻三个，虽讲是欢喜喫香烟迭桩事体个，但是每趟只会喫“伸手牌香烟”，只会喫其他人发过唻个各种香烟，自己从唻覅发一根香烟给其他人喫。
吾继续唻讲下去，因为自从拥有“推扳”迭个词眼以后，又推出“推扳一眼眼”迭个词眼，像迭个词眼伊个意思是讲：彼此之间个差距并覅是交关大个，侪是相差、缺少那么一眼眼，就可去做到，就能够去达到个。还比方讲下去：等到高考结束以后，小囡考试分数线搭录取分数线档次侪是出唻以后，就有两位邪气要好姐妹淘相互之间勒拉谈论高考方面个问题，其中一位女性家长讲道：“高考总分是750分，阿拉囡鱼玲玲班级里向小明考试分数是675分，获得全年组第一名，阿拉囡鱼只有考674分，竟然是推扳一眼眼，只好屈居第尼名，要是能多去考一两分，覅是搭小明侪得第一名，就是超过小明获得第一名！”另外一位女性家长讲道：“覅管哪能去讲，侬个囡鱼还算好，还算邪气争气个，考全校第尼名，已经是算覅错哩，吾个尼子兴兴就覅唻三勒，搭侬囡鱼相差交关多个，伊所要去报考个大学录取分数线顶顶低是650分，吾个尼子考试竟然就推扳一眼眼，只有考到649分，离最低录取分数线相差也只有一分，恐怕今年仔是难以拨录取个，侬讲要气人伐，真是让人气死忒，为啥就覅多去考一两分！”……
因为拥有“推扳”迭个词眼，后首唻又去发明“大推大扳”迭个词眼， 迭个词眼就拥有三层意思哦。第一层意思侪是勒讲：“原本是讲江河上摇船，橹翼左侧右侧幅度均较大。比方讲：刚刚开始学摇船个人，因为担心橹翼汆起唻，常庄性就会去大推大扳，迭能样子去摇船是交关喫力个。第尼层意思侪是勒讲：搭实际差距侪是有交关多个差距相差邪气大。比方讲：实在是覅巧啊，屋里向刷牙齿个水龙头今年仔又坏忒，去年同样是坏忒过个，去调一调，普通水龙头价钿勒拉一百块铜钿以内，今年仔就覅大对头哦，顶顶便宜也要勒拉两百块左右。”第三层意思是勒讲：比喻处理起事体唻掌握分寸还是属于覅稳当妥帖，常庄性会去忽左忽右。比方讲：叫老王去做调解工作，真个是托人托到王伯伯，伊个水平也真忒大推大扳啦，伊所提出唻个各类方案，有些辰光交关灵光个，有些辰光真覅晓得哪能去做好……
因为“推扳”迭个词眼，发展到后首唻又推出发明一个“叠词”词眼，拨叫做“推推扳扳”，伊个意思是勒讲，某些人事物情是邪气坏个、是邪气覅大好个。比方讲：小张搭老刘勒拉讨论探讨某个问题，小张就开口讲道：“老刘啊老刘，覅管哪能去讲，勒单位里向，侬也好算作是老法师，侬哪能好去让阿三迭只赤佬模子做侬个搭档啊，伊经常是勿二勿三，弄弄要喇叭腔个，还常庄性会去讲出各种甴曱个闲话唻、做出一些出格搭覅好个各种事体唻，势必要牵连到侬个，有交交关关多个同事们，为啥就一直侪覅愿意搭伊做搭档交朋友啊，大家勒讲伊做人侪是邪气推推扳扳个，一旦有坏事体是覅大肯去承担责任个，能压压较避避开个就会得去溜之大吉，伊本人一旦要是耍无赖赖吉皮起唻，拨单位里向任何一个人侪要快哦，伊弄勒覅好还要勒背后头，还会拨人家喫药个。一旦碰到对伊邪气覅大好搭覅利个各种事体，伊通通就会去一推二六五个、侪是去推勒人家个身浪向！”……
上段沪语方言个意思就是勒讲：阿三迭个人勒做人方面侪是属于邪气推扳差劲个一类人，勒讲闲话个辰光，会去乱讲各式各样个闲话、覅大中听个闲话，伊常庄性还要让大家受骗上当去耍无赖，一旦碰到对伊自家覅利搭覅好个各种坏事体，就会覅管覅顾溜之大吉个。
要是吾伲勒“推扳”个后头去添加“多少”迭个词眼以后，就拨演变成为一句疑问句，伊个意思是勒讲：彼此之间个差距，究竟相差有得多少，是多还是少啊？！要是指距离，就是指是大还是小。
只为能更好个说明迭种情况，让吾唻列举迭个方面个例子。比方讲：男女双方勒轧朋友个辰光，还当彼此之间关系交关要好到已经是属于覅分彼此个辰光，男方看到女方虽然讲是邪气欢喜某一样么事个，只拨过，由于女方自家个铜钿还覅能够去购买迭样么事，举动方面还有一眼眼犹豫不决，男方就会对女方去讲道：“只要侬欢喜就去买好唻勒，覅要去犹豫不决，错过以后下趟仔就覅一定会有，如果侪是满足侬要求，还推扳多少铜钿啦？！剩下唻个铜钿通通由吾唻出！”
上头一段沪语方言个意思就是勒讲：有男女双方勒谈恋爱，当彼此之间个关系邪气好个辰光，有一趟仔女方看到一样么事，侪是因为自家个铜钿还覅能去购买，还有一眼眼个犹豫不决，男方就开口唻讲道：“过忒迭个村就覅会有迭个店，一旦错过以后就覅会再有，侬还缺少多少铜钿，侬要是铜钿覅够，通通由吾唻帮侬支付。”……
吾还想讲个一句闲话，迭个就是－－要是拨“多少”放勒“推扳”个前头，就演变成为“多少推扳”，像“多少推扳”迭个词眼，虽然讲搭“推扳多少”，只拨过是词组前后位置调换一下而已，但是所表达个意思已转变成为：某人为人处事方面是交关下作搭下流个。
吾继续还要唻举例哦，以便就能更好个说明迭种情况。比方讲：侬真个是覅晓得，迭个歪胚子真个是覅抲起，阿拉班组只要有迭个人伊终归是难太平哉，伊常庄性做出各种出格行为，多少推扳啷。
上段沪语方言文字个意思勒讲：就有一个坏人，勒为人处世方面是邪气推扳个，还会做出勿勿少少出格个行为，会搞得不太平。
像“左推右扳”迭个词眼意思是勒讲：一只手拼命个往里向勒拉，另外一只手却拼命个往外头去推，伊常庄性是指某一类个人或人群，勒留客人个辰光，勒表面浪向看起唻好像侪是属于交关周到热情一类个人，迭类人讲起各种闲话唻个辰光，也是一套又一套花好稻好样样侪好个，实际浪向像迭类人是邪气虚伪、一眼眼行动也呒没个。
比方讲：有两个朋友勒谈论隔壁老王，其中一个人讲道：“隔壁老王迭个人真个是覅入眼，讲讲是几十年唻个老邻居，常庄开口闭口就讲，兄弟啊，侬只要有各种事体，只要吾能够帮侬忙，闲话一句绝对呒没问题，嘴巴浪讲得邪气客气个，真个碰到问题去寻伊帮帮忙，伊总归要去左推右扳个，还要去寻找一大堆各种理由唻拒绝！”
上段沪语方言意思是勒讲：有人勒谈论隔壁老王，讲老王表面为人客气，也愿意帮忙个，真要伊帮忙，就会推三阻四讲覅唻三。
勒“推扳”个前头去增加“勿算”两个字以后，伊所要表述个意思是勒讲：各类人事物情，只要是达到平均以上，并且还能够基本通过，就是属于还好个一类。比方讲：小芳勒郊区购买一套新别墅房子，伊拉夫妻两个人侪是白领，侪勒世界500强公司做生活，年收入加起唻毛毛较起码有七八十万，从经济条件唻讲，也是勿算推扳个。
勒“推扳”后头添加“勿起”两个字，就是“推扳勿起”，伊就有两层意思个。第一层意思是勒讲：某个人得到帮助或遭受损害以后，对于各类人事物情个发展搭影响侪是属于邪气大个。比方讲：嘎么介重个100箱水果拨搬过去，想想老王也只拨过是去帮伊一拨而已，对于小张唻讲，真个侪是推扳勿起啊，否则，估计光光依靠小张一家头去搬，绝对是覅能搬到底个，弄覅好伊自家还会得拨弄伤忒。第尼层意思是勒讲：喫亏，既是属于喫覅起个，也覅会去勉强同意个。比方讲：一塌刮子年终发30000块奖金，老赵自家就驮21000块，只有分拨小张9000块，迭能样子个分配方法，阿拉忖忖小张肯定是推扳覅起个，伊肯定要去问老赵总算账个，迭个账目是覅办法去轧平个。
勒“推扳”个前头去加“纯拣”就变成为“纯拣推扳”，伊个意思是勒讲：相比之下而言，是属于顶顶推扳、顶坏个其中之一。
比方讲：有某一所学校，期末考试成绩出唻以后，某一位学生当伊本人看到分数公之于众时，大家侪是能够看到伊本人个分数（成绩），小魏勒全年级组840名学生当中，伊个总成绩侪是属于“纯拣推扳”，为啥啊，全校排名次个辰光竟然就会拨排到倒数第一名个！……
【备注：①：文章为作者原创；②：各种上海市风景图片搭沪语方言文字图片侪唻源于网络上头；③：万分感谢原创图片。】
杜老倌侠客居（陆伟）写于209年12月19日礼拜四夜里向
