《爱尔兰人》粤

今日蛇王睇完咗《爱尔兰人》，有《教父》嘅味道，而且亦好耐冇睇过3个几钟时长嘅片了。影片结构上对白与旁白之间交替转换，包括具体到每一个配角嘅生平同埋死亡，睇起身会令人更似系一部小说多啲。

为咗缓解观众视觉疲劳，镜头嘅设计真系落咗好大功夫。系光源方面，基本控制以镜面反射为主，因为大多数人都中意见到一个物体被光切来切去。而去到射死或者系细思极恐嘅片段时，光源就变翻成漫反射，因为连导演都唔想观众特别去留意暗杀个一幕。

除此之外，成部片几乎用齐晒所有嘅拍摄手法，尤其佩服嘅一点系，当其时见到好几幕好有设计性嘅构图同埋打光嘅画面，我其实都唔系几想去截图。惗咗一下，可能系导演有意咁去弱化咗佢嘅戏剧性，就系为咗更好咁衔接于整个故事氛围而唔太过突出。

影片开头时好难睇得入，各种景别，各种人物穿插，庞大嘅信息量搞到头都大齐。佢唔同于宜家嘅标准化影片，一律都系前缓后急，一律都系低谷接高潮。冚部片嘅节奏好似人嘅一生，年轻时嘅活力，连剪辑也都系快嘅。而当主角老去，节奏亦都变得缓慢，就好似儿时仲饮紧一壶烈酒，老咗就中意细味清茶，丝丝入扣。

随住时代嘅唔同，之后应该都好难再见到咁样嘅黑帮史诗了。