谈谈沪语方言之－－四讲“三字经”词眼（其四）
覅知覅觉，吾已连续写过三篇搭“三”字有关系个沪语文章，仍旧有覅少个“三字经”方言，继续去讲讲沪语闲话“三字经”。
像沪语方言“三脚猫”词眼，伊个意思就是勒讲，某一种人或某一类人看浪去，好像各式各样个人事物情搭各式各样个么事，像迭能个一类人侪能懂得一眼眼个，侬要是讲像迭能个人，是属于邪气精通懂得个吧，又好像覅是交关唻三，就是属于猪头肉三覅精个人。
只为更好个说明迭种情况，就让吾唻列举一个迭个方面个例子。比方讲：有两个人勒嘎讪胡（聊天）个辰光，其中一个人先开口用沪语方言唻讲道：“侬千万覅要小看小张迭个人，据吾晓得伊本人是有一眼眼小‘花露水’个，自家还会得去制作家什个！”另外一个人同样采用沪语方言唻讲道：“伊家什么是会得去做做个，也是做得覅错个，但拨过，侬要是让伊做细巧一眼眼、带有一眼眼花纹个家什么，伊曾经亲口对吾讲过是覅肯做个，讲细巧家什是做大覅唻个！”
上头个一段文字当中，“花露水”同样也是一句沪语方言，伊个意思就是讲：有能力、有本事。然而，上段文字个意思是讲小张本人虽讲是有那么一眼眼本事个，会制作各式各样个家具，拨过，伊也只是会制作一些普通个家具，对于那些精细个家具，是覅会做个。
像沪语方言“三夹板”迭个词眼，各位看官看到以后，千万覅要拨表面个意思畀迷惑住哦，迭个词眼伊个意思并覅是勒讲建筑方面个用材，而是勒讲拨夹勒当中，会受到两头气一类个人群或个人。
让吾唻列举迭个方面个例子，以便能更好个说明迭种情况。对于夫妻加婆婆，像迭三个人个关系，要是讲媳妇搭婆婆之间个关系，覅是属于邪气融洽个，还处理覅好彼此之间个关系，还要是小吵天天有，大吵三六九，嘎么，处勒迭个辰光个尼子，就是属于“三夹板”类型个男人，还好像是躲勒风箱里向个老鼠，两头侪会去受气个，太太（妻子）搭母亲两个人侪是覅可以去得罪个，一旦得罪以后，双方立刻就拨伊颜色看看个，丈夫也只好是两头去劝劝，去讲讲对方好个方面……迭个辰光个男人，要是用沪语唻讲，真个就是轧扁头唻睏扁头！
像“猪头三”：实际浪向顶顶正确个写法应该写作“猪头三姓”，上海人就拨最后一个“姓”字省略忒，勒吾伲国家个远古时代开始算起，一直要计算到今早仔，上到国家下到庶民老百姓，历唻就会有祭祀迭个习俗个，“猪头三姓”就是勒祭祀个辰光，所使用个祭品或贡品，除忒“猪”迭个动物祭品或贡品以外，还需要另外两种动物祭品或贡品，伊拉分别就是“牛”搭“羊”。辰光一长久而久之，勿单单是去省略忒迭个“姓”字，上海人拨伊演变成为一句骂人闲话！
吾还要想讲个闲话就是，上海人邪气欢喜拨“猪”迭种动物叫做“猪猡”个，让吾感到印象顶顶深刻个、顶顶轰动全中国个一桩事体又会是啥么事？！迭桩事体就是－－当中国男足还身处勒甲A时代个辰光，还只要是勒上海申花队本土主场比赛，更只要是每趟申花足球队输球以后，勒主场个蓝魔球迷就覅大理智个开始用“沪骂”辱骂裁判，所谓个“沪骂”就是讲采用沪语方言闲话唻骂人，曰：“裁判员是只猪猡、裁判员是只猪头三，吾伲要拨裁判员做忒伊！”……
上头个一段沪语方言，到底又是勒讲眼啥么事？！伊个意思就是勒讲：辱骂足球裁判是猪猡，把输球侪是怪罪责怪到裁判头浪。
像“三七开”沪语方言俚语词眼，勒通常情况下唻讲伐，迭个词眼使用勒生意场上个情况则是唻得交关多个。一旦彼此之间各式各样个生意做成功以后，而且还是属于生意兴隆财源广进个，自然就要开始分账，勒迭个前头也必定是事先签过或口头方面或法律方面个协议，一旦赚到铜钿，去按照出资个比例、贡献个大搭小……唻分账。比方讲：两个人做生意成功并赚到铜钿以后，其中一个人要是综合方面个能力与贡献侪是顶大个人，就可以分到“七”，要是另外一个人，勒总体上头唻讲伐，个人贡献与能力是顶小个人，只可以分到三。
像“三七开”还能用勒理发方面，勒某一段辰光个里向，男性理发，邪气流行“三七开”，一边保留七分，另外一边保留三分。
像“三朝四日”：迭个词眼是一个形容词，伊个意思顶主要就勒形容辰光、日脚搭天数侪是属于交关少个。就勒通常情况下唻讲伐，一般会去采用贬义个讲法是唻得交关多个，正面是覅会得讲个。
就让吾唻列举一个迭个方面个例子吧，以便就能更好个说明迭种情况哦！比方讲：某一类个人或人群，勒工作方面就是属于并覅是邪气卖力搭认真个，覅仅是属于“出工覅肯去出力”类型个一类人，今早迭类人要是覅高兴以后，就覅肯唻上班。领导就对迭一类人采用沪语方言唻批评讲道：“侬哪能每趟仔做起生活唻，就是属于覅肯卖力个人，侬覅肯卖力也就算勒，哪能老是欢喜三朝四日，歇歇么就要覅大肯唻上班勒，今早仔就是吾最后一趟警告侬，向侬发出最后个通牒，侬要是仍旧迭能样子屡教覅肯改，吾马上就要开除忒侬！”……
上头个一段沪语方言是讲：侬要是再覅肯好好较做生活，吾会立刻拨侬开除忒，迭也是吾最后一趟唻警告侬，覅会有下趟仔个。
像沪语方言“三头六面”迭个词眼个意思是讲：既指各方亲戚，也泛指各方面个关系或人物。吾是一个土生土长个上海人，勒上海个各种方言俚语词眼当中，勒其中有不少个词眼就是唻源于古文当中个，像“三头六面”词眼就是迭能样子个。迭个词眼个出处就是唻源于清·李渔撰写个《风筝误·释释》一文当中，文中曰：“究竟不得明白，方才在这边三头六面，认将出来，方才晓得是这本新戏。”
比方讲：有两个人勒覅停个争争吵吵，张三开口讲啥个吾张三欠李四人民币一万块，勒上个号头个辰光就已经侪是还清爽，李四却讲张三只还清人民币九千块，还有一千块人民币还呒没还清爽。张三勿单单是勒发急，还开口用沪语方言唻讲道：“迭桩事体三头六面侪是要去讲讲清爽、弄弄清爽个，还铜钿银子个辰光，王五搭赵六也是勒拉现场个，等到伊拉两个人有空以后，就好叫唻作证明人个！”
上头一段沪语方言个意思是讲：张三欠李四一万块人民币勒上个号头早已还清，李四讲呒没还清还欠1000块，张三讲勒还铜钿个辰光是有得证人个，等到王五搭赵六有空以后，就能为自家作证个。
像“三日两头”词眼个意思是讲：就会经常性迭能唻做个。
比方讲：长辈们勒外人个前面，夸奖家中小辈个辰光，用沪语方言唻讲道：“吾最最小个孙子三日两头会得唻探望吾个，陪吾么一道嘎嘎讪胡谈谈山海经，还要买吾欢喜喫个么事拨吾唻喫喫个！”
上头个一段沪语方言，伊又是勒讲一眼啥么事？！伊个意思是勒讲：吾有一位好孙子，每隔一段辰光会唻看看吾个，既会陪吾聊天，还会去购买各种好喫个，而且还是吾交关喜欢喫个食物拨吾喫。
像“卖样三千”迭个沪语方言俚语词眼，伊个意思就是讲某一类个人或某一类人群，侪是交关“欢喜出风头”“喜爱显摆”个。
比方讲：某人今早穿一件今年世界浪邪气流行个时髦套装，一旦碰着熟人，就会对对方夸奖自家个迭套衣裳是有多么个好，还讲是花费三到四个月个工钿去购买个，还要去问对方迭套衣裳到底好覅好、穿勒身浪是覅是邪气个帅气有型啊？！……也是有一些人是看覅惯迭个人个，就会开口用沪语方言唻讲道：“侬迭个人么，真个可以叫做是猢狲覅搛宝，卖样点啥啦，侬好覅要再去卖样三千勒！”……
上头一段沪语方言个意思就是讲：规劝对方覅要再去炫耀！
像“三光码子”，伊个意思就是今早所讲个“月光一族”。
比方讲：有迭能一种类型个人，勒过日脚个辰光，所采用个方式方法就是－－“三光政策”，即：“吃光”“用光”搭“当光”，侪有可能自家每个号头赚到个工钿，就会拨迭一类人勒半个号头之内侪用光。勒上海个方言闲话当中，有另外一个词眼叫作“脱底棺材”，迭个沪语方言词眼个含义，实际浪向搭“三光码子”是一色似样个，意思是勒讲某一类人是属于覅会过日脚个人，今朝有酒今朝醉，喫光用光拉倒算数，勒老底子上海迭座城市，流行过迭能个一句方言句子，是有迭能个一种讲法个，伊就是叫作“脱底棺材么倒头光”！……像迭个两组上海方言闲话词眼，就可以讲是拥有异曲同工之妙哩！
像沪语方言词眼“三岁看到老”，伊个意思就是勒讲，等到小囡长大成年以后，到底会演变成为哪能个一个人，伊本人是变好呢？！还是变得邪气个坏？！伊本人个岁数勒三岁个辰光，就可以去看出唻个，伊本人勒三岁个辰光，脾气秉性基本浪向就能去定性搭定型个，三岁是哪能个人，等到成年以后，是差覅多、呒没啥个区别个！
像沪语方言词眼“三钿勿作两钿”，迭个词眼个意思就是指铜钿，勿单单是勒指铜钿哦，而且还是勒特指某一类物品侪覅值铜钿！
比方讲：勒廿年前有买过一套音响设备，品牌就是先锋牌个，就勒掰搿辰光，买回唻个价钿就是人民币三万块，今早仔已经是呒没啥个人再去使用音响设备，而且伊还要拨挤占地方，就想请回收旧货个人唻回收，呒没想到收旧货个人讲道：“迭个老巨三今早仔已经是三钿勿作两钿覅值铜钿，最多只能出三十块洋钿回收，肯就成交，覅肯就只好拉倒！”……意思讲物品覅值铜钿，也只能出30块回收。
像“三只手节头捏田螺”：比喻做各种事体是十拿九稳个！
比方讲：像王五伊迭个人，做任何一桩事体，侪是属于认认真真、仔仔细细个，拨过话又要去讲回哦，伊勿单单是吾伲单位里向工作有几十年，还是拥有几十年经验个老法师，而且每年只要一到年末评选优秀员工个辰光，基本浪向伊每年侪是拨推荐并评选成为优秀员工个，一旦有事体以后叫伊去做就好，也肯定是三只手节头捏田螺个！
像词眼“三分本事，七分家生”个意思是讲啥啦？！就是勒讲就算某一类人，勒做某种生活方面，就算是拥有各式各样个本事，要是呒没与之相配个工具，也是做覅好事体个，说明工具个重要性！
勒最后，要去讲讲“烂糊三鲜”搭“烂糊三鲜汤”，像迭两个词眼，原先个意思是指喫个小菜，到后唻并覅是指喫个小菜，而是演变成为一句骂人个闲话，迭两个词眼个意思侪是相同个，也是勒讲，有一位女性，或有某种类型个女性，为人处世之道是邪气“下作”“肮脏”“下流”“呒没啥个底线个”，伊本人只为达到自家个目的无所覅用其极，任何事体侪是会去做个，行为也是覅大检点个，就连自家个面孔也可以覅要个。多加一个“汤”字，就表示更加个严重！
比方讲：两位老太勒一道嘎讪胡（聊天），其中一个老太先开口讲：“侬晓得伐，三号门客堂间某某人家，拨人家上门寻仇打开头！”……另外一个老太接下去说：“吾晓得个，侪是迭家人家个囡鱼是烂污三鲜汤，搭覅同男人轧朋友，周旋勒覅同个男人之间，还要去骗男人铜钿，辰光一长久而久之拨发觉，所以拨寻上门！”……意思讲有位女性搞覅正当个男女关系，还骗男人铜钿，所以拨找上门打开头。
【备注：①：文章为作者原创；②：第一张图片是作者自己编辑的；③：各种沪语方言文字图片均来源于网络上；④：万分感谢原创图片。】
杜老倌侠客居（陆伟）写于2020年11月06日礼拜五夜里向
