གཏུམ་དྲག                      

གཏུམ་དྲག

༗

རི་སྡེ་ཁ་བས་སྦགས་ཤིང

རི་ལམ་ཁྲག་གིས་བཅད

༗

བྱང་དར་མའི་མིག་གཟོང་ངམ་ཞིང

གླག་དགོད་ཀྱི་སྡེར་མོ་རི་གྲོང་འདིས་སྙིང་ལ་གཟན

༗

དམར་གསོད་ཀྱི་ཕྱེད་མ་ངམ་ཞིང

ཞི་འཇག་གི་སྙིང་རྩ་བཅད

༗

གཏུམ་དྲག་གི་བྱེ་ཐང་འདི་ནས

ལུག་ཁྱུ་ཡིས་གནམ་གཤིས་བོར

༗

སྐྱོ་གར་གྱི་རྨི་ལམ་ཐང་ན

ཁྲག་གི་ལག་པས་ཉི་ཟླ་ཐང་ལ་འབྲིད

༗

འཇིགས་ངམ་གྱི་དུར་ཁྲོད་འདི་རུ

བེམ་འགོག་གིས་ཆུ་བོ་འགགས་ཞིང་ངུ་འབོད་ཀྱིས་རི་གྲོང་འདར

༗

བྱེ་ཐང་གི་དར་ལྕོག་བཙའ་བོ

མེ་ལྕེ་དང་གནམ་གཤིས་ཀྱི་སྐྱབས་ཡོལ་ཉག་གཅིག

༗

རྟུལ་ཕོད་ཀྱི་ནད་སྙིང་གསོད་པོས

རང་དབང་དང་ཉི་ཟླ་ཡི་གླ་བམ་འཆིང