སྡུག་གུ།

༡༣༡༤·༥༢༠

ཁོ་བོ་འཇམ་པའི་ཚིག་གིས་སྙན་ངག་ལ་འགྱེར་ཞིང་།

ལང་ཚོ་དཔལ་ཡོན་རྒྱས་པའི་སྡུག་གུ་ཁྱེད་ལ་བསྟོད།

ཁོ་བོས་རྒྱལ་མཚན་འཆང་ནས་བསུ་བ་ཞུས།

མཚན་མོ་དེ་ལ།

དགའ་བ་འཛུམ་མདངས་རྒྱས་པའི་ཟླ་བའི་གྲིབ་གཟུགས་འོག

ཁོ་བོས་འཕགས་མ་སྒྲོལ་མ་ཁྱེད་ལ་གསོལ་བ་འདེབས།

ང་རང་བསམ་དོན་འགྲུབ་པར་སྨོན།

སྔོན་བསགས་ལས་དབང་གིས།

ཁོ་བོ་འཇིག་རྟེན་འདི་རུ་འཁྲིད་ནས།

གོ་ལ་ཅི་འདྲ་ཆེ་ཡང་མི་སེམས།

འཇིག་རྟེན་འཁོར་བའི་གནས་ལུགས་གིས།

ལང་ཚོ་མཛེས་སྡུག་འབར་བའི་དུས།

ལས་དབང་ཞིག་གིས་ཁྱེད་དང་འཕྲད་པ་གནང་།

བརྩེ་བའི་དྲི་མེད།

དུང་བའི་སླད་མེད།

རེ་བ་ཁེངས་པའི་སེམས་ཆུང་རྒྱབ་ལ་ཁུར།

ཁྱེད་ཀྱི་ཁ་ཕྱོགས་འབད་པས་བརྩོན་ན་འདོད།

ཡིན་ཡང་།

ལས་དབང་ཟེར་རུང་།    ལས་མེད་ཟེར་རུང་།

གོ་སྐབས་བཟང་པོ་ཞིག་ཐོབ་མ་མྱོང་།

                  རིག་པའི་གྲུ་གཟིངས།

                            ༢༠༢༢-༡༢-༧