༢༠༡༧-༠༥-༡༤
ཡུམ➖➖➖➖➖➖➖➖➖➖➖ཆེན།
—རིག་གཏེར་ལྷ་མོ—
ཁོད་ཡངས་བའི་རྩྭ་ཐང་ཞིག་ན
ཡོད་ཚད་ཁུ་སིམ་མེར
ཡོད་ཚད་བྱམས་ཀྱིས་སྐྱོང་བའི་ཁྱེད
ད་སྐབས་བདེ་མོ་ཡིན་ནམ
མི་ལོ་བཅུ་གཅིག་འགོར་ཟིན
ལོ་ཟླ་འདི་དག་ལ
ཁྱེད་ཀྱི་འགྲོ་བ་གཞན་སུ་ཞིག་གི་དོན་དུ
རྔུལ་ཁྲག་འདོན་བཞིན་ཡོད
ངས་སྐྱ་ཟད་སྔོ་སྡུག་གི་ལུང་བ་ཞིག་ན
ཁྱེད་ཀྱི་གྲིབ་མ་འཚོལ་གྱིན་ཡོད
ཁྱེད་ཀྱི་གྲིབ་མ་དེ་ཡལ་བ་ནས་བཟུང
ངའི་འཇིག་རྟེན་འདི་ནི་སྟོང་བར་གྱུར
ཡུམ ཁྱེད་རང་ཕེབས་རྗེས
འཇིག་རྟེན་འདིའི་འོད་ཟེར་མུན་པས་གཡོགས
འཛུམ་མདངས་དག་བོར་སོང་ལ
བྱལ་སོང་གི་ཤ་ཤེད་ཇེ་ཞན་དུ་གྱུར
སྔོན་ཆད་ཀྱི་མཛེས་སྡུག་མཐའ་དག
ད་ལྟ་མུ་མཐའ་བྲལ་བའི་བྱེ་ཐང་གིས་གཡོགས
དེ་རིང—༥•༡༤
ཡུམ་ཆེན་དུས་ཆེན་ལ
ཁྱེད་རང་ཀློག་གི་ཡོད
ཁྱེད་རང་འབྲི་ཀི་ཡོད
ཁྱེད་རང་བཤད་ཀི་ཡོད
\འཕགས་མཆོག་སེམས་དཔའ་ཁྱེད་དྲན་ཀི་ཡོད\
\ལྷར་བཅས་འདྲེན་པོ་ཁྱེད་ཁོ་ན་གླེང་གི་ཡོད\
ཨ་མ་ལགས་་་་་་
➖➖ཡུམ་ཆེན་དུས་ཆེན་ལ་རྟེན་འབྲེལ་ཞུ➖➖
དགུང་གི་ཉི་མ།
