འཁྲུངས་སྐར་བསུ་བའི་བསྟོད་ཚིག་མེ་ཏོག་ཕྲེང་བ།

\__________________________གཙང་གནས།

དུས་གསུམ་རྒྱལ་བའི་ཐུགས་སྲས་མཚུངས་མེད་རྗེ། །

མི་མངོན་དབྱིངས་ནས་ཐུགས་རྗེའི་བྱིན་རླབས་ཀྱིས། །

བདག་རྒྱུད་མ་རིག་མུན་པ་རབ་བསལ་ཏེ། །

ཆོས་ཀྱི་གནས་ལུགས་རྟོགས་པའི་ཤེས་པ་སྩོལ། །


རྒྱལ་བསྟན་གསལ་བར་སྣང་བྱེད་ཀུ་མུད་གཉེན། །

ལྔ་བདོའི་མུན་པའི་སྨག་རུམ་རྔམས་མཐུག་ཁྲོད། །

དཀར་གསལ་མཛེས་སྡུག་དད་པའི་ཡིད་མཁའ་རུ། །

ཉ་གང་ཞལ་དཀྱིལ་མཛུམ་པ་ཨེ་མ་རྨད། །


རྨད་བྱུང་ཐུབ་བསྟན་ཆུ་གཏེར་འབབ་པའི་རྒྱུན། །

ཟླུམ་གཟུགས་གོ་ལའི་སྨན་ལྗོངས་འགའ་ཚལ་གྱི། །

གྲངས་མེད་སྐྱེ་རྒུའི་དུང་བའི་ཡིད་མཚོ་རུ། །

འདྲེད་མཁས་བྱང་ཆུབ་སྤྱོད་འཕགས་ཨེ་མ་བསྟོད། །


ཤར་ནུབ་གླིང་གཞིའི་འགྲོ་བ་མཆོག་དམན་ཀུན། །

བྱམ་དང་བརྩེ་བའི་འཇམ་མཉེན་ཕྱག་ཟུང་གིས། །

འདི་སྣང་བདེ་དང་ཕྱི་མར་ཕན་པའི་ལམ། །

སྟོན་མཁས་མི་དབང་རྗེ་ཁྱེད་ཟླ་མེད་རྒྱལ། །


འདི་བཟུང་ཚོགས་གཉིས་རྒྱ་མཚོའི་རྦ་རླབས་ལས། །

སྲིད་གསུམ་མུན་འཇོམས་བྱང་ཆུབ་ཟླ་བའི་དབང་། །

འགྲོ་ཀུན་འདྲེན་པའི་དཔལ་དུ་མཁའ་དཀྱིལ་ནས། །

འཛུམ་པ་དེ་སྲིད་རྒྱལ་བས་རྗེས་འཛིན་མཛོད། །


ཅེས་བོད་མེ་བྱ་ལོའི་བོད་ཟླ  ༡༢  པའིཚེས་  ༡༣  ཉིན་བྲིས་པའོ།།