这八大粤语哲学难题广东人都知道？

2017-09-27 本文已影响0人粤言小生

拒绝食辣椒酱嘅膝头哥

佢心理面积有几大？

广东有句俗语叫“呃我膝头哥唔食辣椒酱”，膝头哥即系膝盖，俗称“菠萝盖”，膝头冇嘴，点可能会食嘢，更何况辣椒酱。

原句意思为指责对方当自己是白痴，用明显的事实欺骗自己。

鼻哥窿明明就冇肉，

点解仲会被吓到冇肉？

鼻哥窿即系鼻孔，当人受到惊吓嘅时候，鼻哥窿会张大，而鼻哥窿入边系冇肉，张大就更突显入边嘅空洞。

「吓到鼻哥窿都无肉」用嚟形容人十分惊恐，系一种幽默嘅说法。

托杉嘅时候转膊，

唔会搞到甩骹咩？

「托杉都唔识转膊」，指一个人用膊头孭重物或者担子，如果长时间只用一边膊头会好攰，所以必须要识得转膊（换肩），比喻一个人做事死板，唔识变通。

担屎会偷食嘅人，

究竟系一种咩心理？

「担屎都唔偷食」谐谑形容人极为忠厚老实，唔贪任何便宜。

不过喺困难时期，粪便的确系非常重要嘅农业肥料，各地公社人员组队入城“担屎”以备用，就会有部分人怀有私心，偷屎私用，但更多老实人一心为公，毫无私新，被形容为「担屎都唔偷食」。

亦有说法，此说法来源于明代名士陈献章嘅事迹，陈献章不满官场腐败而辞官，当时都御史曾命官员每月送一石米畀佢，都被佢坚决拒绝，“儋石不偷食”（儋石=一石）讹变成「担屎不偷食」。

点解呃鬼食嘅系豆腐，唔系豆皮、豆奶、豆泥、豆浆、豆腐丝、豆腐皮、豆腐干、腐竹、素火腿、臭豆腐、豆豉、腐乳、红豆沙、绿豆沙？

「呃鬼食豆腐」系指对对方极其唔信任，自己唔会上当。

传说有只饿鬼潜入一个书生屋企，准备食书生填肚，书生巧舌如簧，欺骗饿鬼话自己多日未冲凉，又酸又臭，叫饿鬼不如转食厨房嘅豆腐，结果饿鬼信以为真，真系食咗豆腐，放过书生。

雷公究竟住几远？

「冇雷公咁远」指连雷公都无法到达嘅地方，并非雷公住得好远嘅意思，用嚟比喻非常遥远嘅地方。

《广东新语》中，曾描述岭南地区临海，地低土薄，温度炎热，故无日不（行）雷。古人对自然现象认识有限，佢哋觉得一个地方唔行雷，即系连雷公都去唔到，自然系遥远未知嘅地方。

「食屎屙饭」

系一种点样嘅操作？

正常人系「食饭屙屎」，而「食屎屙饭」就系违反常理，用嚟形容一个人根本唔讲道理，做事完全背离常规。

咁高难度嘅动作，相信我哋好快会喺直播APP睇到！

「黐孖筋」究竟系黐边两条筋？

同「黐线」相似，都系用于闹人，话一个人大脑神经黐埋一齐，精神失常，经常做错事或者讲嘢毫无逻辑。