学学沪语，看看海派方言(一)

文图/春回大地

1.通路子：疏通关系

例句：多年前，嗯笃囡恩，得到讯息，某航空公司要考空姐，因为空姐收入高，待遇好，而阿拉囡恩身高1.70米，身材一级棒，像外国女宁一样，卖相阿邪气好，我为此特意托了托银，想通通路子，让小银进去，于是阿拉自家在网上报了名，只等录取，结果是呒进，后冷静额想一想，我晓得其中额原因，多半唔是身高、长相及学历等阿拉自身额原因，而是阿拉所托之银，层级唔够，格是呒办法额事体，只能就罢，当然天无绝人之路，后塞莱（以后）我通过我的关系，让伊进了一个国企物业公司、前身是某地区房管所，收入及各方面待遇赞唔错，总算了却了我额一埃缺憾，哎，格额社会呒关系，呒钞票寸步难行啊，而有铜钿只能买到房子，但买唔到好房子、便宜房子，而有铜钿又买唔来子女额好工作，子女额就业，光凭书读得好还是呒用，寻唔到好工作，还得靠父母帮忙才行啊，如果自家额父母呒啥花头，其子女只能找到仅能糊口的工作，是额，父母才是你最大的依靠啊。

2.老底子：原来从前。

例句：老底子阿拉上海银，流行切四大金刚，格就是大饼，油条，糍饭，豆浆，但唔是家家银家切得起额啊，要稍微有埃条件额，而条件比较好额，就会去品牌生煎店切生煎包，油豆腐粉丝汤、蟹烤黄，如光明生煎店，友谊生煎店，大壶春生煎店，东泰祥生煎店，丰裕生煎店等等名店或去鼎泰丰、老盛昌苏式汤包馆，秦记汤包馆，南翔馒头店（豫园路店）等店家去切埃汤包格几爿汤包店额汤包赞各具特色，赞得唔得了，而经常去光顾额银，唔是高级知识分子就是小开（以前资本家的子女），或是阿末头（因是家中最得宠的小儿子）。

3.臭路子：门槛不精

例句：格埃国足臭脚头，国家每年掼了伊拉身朗厢上亿元了，赞掼到水里厢去了，而踢出的球就是臭路子的球，呒半点额章法，看了阿让银生气。

4.兜圈子：说话绕来绕去，不切正题。

例句：国足队员踢球呒一埃拼劲，只会兜圈子，盘来盘去额，呒进球额意识，阿唔敢进球，生怕球离开自家脚头会拔银家抢脱似额，让银看了齁得不得了，就想朝伊拉屁股踢上一脚，哎，真手捧唔起额刘阿斗啊。

5.小三子：地位低下

例句：有一次我们开车出去办事，但见前面额车子开着开着，靠了马路边停了下来，几秒钟后只见车子右侧后门走下一人，下车后右手将车门开大，并左手打个让人请下车的手势，神态很是恭敬，接着看见一个蛮有腔调额男银，慢慢悠悠地走出车门…，我脱小鬼（ju)头讲,伊额拉车门额银，唔是秘书，就是小三子。

6.手条子：手腕手段

例句：侬来赛额，有埃手条子额，三弄二弄就捞格埃天不怕地不怕额小鬼（Ju)，收作（收拾）了服服帖帖，我打心底里佩服侬。

7.钻空子：投机取巧

例句：勒勒COSCO超市，我走到一个地方，通过展示窗，看到里厢是挂了几只烤鸡，肉色金黄，我是食欲大开，决定买一只，于是我排了队，一歇歇功夫后，当就要轮到我买时，勒勒我前头，莫名其妙额插进一个宁，咦，格是哪能回事体啊，我走到格额宁面前，我讲格搭买末事大家赞了隑排队，侬唔排，就想钻空子、插队，不劳而获，格唔大像样伐，旁边额宁赞讲，不像闲话，叫伊出去，格额宁一看大家赞勒勒讲伊，只好灰溜溜额出来了，我终于好买了，我于是选了一只，等店家称好，拿到手里一看，要三斤多了，只有三十几块盎钿，末事又好又大又便宜，真赞，乃遭子我好回去阿呜阿呜了，哈哈。

8.半吊子：半幅浪荡，半途而废。

例句：喂，侬哪能回事体啊，唔做事体却了隑白相游戏，忒唔像闲话了伐，我前头关照侬额事体，侬做了哪能了，罗老师，我大部分做好了，还剩一埃埃，我讲侬既然晓得做剩一埃埃，为啥唔一口气做脱哪，拿事体掼了一边，让伊成为半吊子状态，葛很唔好，噢，对唔起，罗老师，我马上去做，格才对了啊。

9.灰孙子，地位低下。

例句：一次体检额一个空档额晨光，我碰到一位已退休多年额老同事，我上去主动与他打了招呼，嘿，陈工，侬好，罗工侬好，因为我脱伊勒勒单位里关系还算是唔错额，所以我跟伊讲闲话阿比较随便，我问，陈工，侬现在还到外头作伐，陈工讲我现在勒勒外头作额，我问侬又勒勒啥地方做啊，陈工讲，我勒勒一家环境监测单位做项目分析工作，我讲，嗯，蛮好，体检结束一起用餐，我又接着问，格么侬现在勒勒外头打工，一个月能够拿多少呐，陈工讲有四千多，嗯，唔错，加起来每月有一万多了，侬比我好，我再接着问侬外头打一份工，侬交多少拔那老婆，陈工讲，我额退休工资我全部交拔老婆，而外头打工赚额，我大部分交掉，只留五百元，我问格五百元是零用钿伐，陈工讲切用赞勒里厢，我听了觉得吃惊，我讲，侬为啥唔闶埃呐，那老婆阿是辣手额，陈工讲我是与老婆之间谈好额，我讲男银要留埃钞额，一旦有事体需要用钞票，侬呒钞票哪能来噻，伊听了阿呒响，之后大家互相道个别，路上我了隑想，格陈工是够可怜额，钞票赚了唔少，却拔伊拉老婆傾了棚里，被逼倾囊交出，抠逼啊，格老婆真是葛朗台一个，对自家男银哪能可以格能啊，而陈工赚了唔少，却要将钞票大部分交掉，只留一埃零头，格做宁做到格种程度，与灰孙子有啥区别啊，罪（can)过啊。

10.小扇子：挑拨离间

例句：因为近腔霸业务较为繁忙，有市里指定额专项监测项目，又有区局安排的业务，还有监察大队受理额居民投诉店家噪声扰民的业务，真是日做夜做额，弄得阿拉监测室额员工，忙得丑要死，再讲职工两年一次固定额疗休养，晨光阿到了，所以单位最近阿组织了一次疗养额机会，时间与地点由全体职工选定，格本来是桩好事体，想唔到，局里额几个落撬货（喜欢惹事的人），又勒勒扇小扇子，并放风讲格地方好，伊格地方唔好，人均标准又忒低，在胡说八道，弄得大家心情极差，赞唔想出去了，格本身是公费的疗养，每人按四千元的标准，个人是唔要出一分盎钿额，多少好额事体，拔几只落撬货一搞，局里做出暂停额决定，格能一来，好出去疗休养额事体泡汤了，那遭子想出去额银唔好出去了，大家心里是怨得唔得了，唉，一个单位，一个家庭，宁唔齐心，啥额事体阿办不了，呒闲话了。