教父（粤）

教父小说一共有三部，教父一对接电影嘅第一部，第二部西西里人以及第三部最后嘅教父则另开炉灶，讲述关于其他黑帮嘅古仔。小说后两部几乎系冇迈克乜戏份，因此亦都不适合作为系列电影拍摄。

电影教父二穿插咗书中教父一中维托柯里昂（老教父）后生时嘅经历，同时结合迈克部分原创嘅剧本，两者交相辉映，先至有咗教二（电影）。而呢度我主要系针对第一部嚟噏下。

开场时，第一眼见到嘅系殡仪馆老细同老教父倾偈，电影呢段并冇讲明佢嘅职业。而系小说中，佢同老教父讲完嘢之后，老教父预计之后可能仲佢帮咗一个忙，呢度其实就已经为家族中某个人嘅死埋抵伏笔。但系电影中，呢个信息要去到中后期先至揭示，第一次睇个时，加上我又脸盲嘅原因，难免就出现咗信息嘅脱节。

至于歌星强尼，系第一部书中会浓墨介绍佢系柯里昂嘅帮助下，成为出名嘅电影制片人，并重新恢复嗓音走上乐坛。

为咗帮佢获得一个电影角色，教父命人斩咗只马头，原文中嘅马头系放系盒入面，然后再被打开。电影则直接改成连头带血暴露系床上，显得更加之有冲击力。第一次未睇原著时，系唔明点解斩咗个马头就可以搞掂件事，直到文中讲到老教父不计后果就轻易斩咗个60万嘅马头，而且光明正大放系佢嘅间房。亦就暗示你条命我想杀就杀。

到老教父被放冷枪后，保利第一时间就被认为系叛徒，因为他系老教父遇刺当日请假，再之佢装作咳嗽嘅样进入房间，打探消息的意图，就经已被大哥桑尼定为有罪。

跟住索拉索指定迈克去谈判，文字中讲话佢不似桑尼咁暴躁，其次迈克唔插手家族生意，亦冇杀过人，加上佢系医院畀个警察打咗拳都冇还手，所以索拉索觉得佢好鬼胆细，适合谈判。

系迈克射杀咗索拉索后，踎系柯里昂村避风头，呢度佢不时用毛巾擦鼻，当时我仲以为系么撚暗号，其实只不过系佢畀啊sir舂咗一锤后留抵嘅后遗症。

有一点话电影会觉得难明嘅原因，系小说会以某个角色为起点，顺着往下描写。而电影有蒙太奇，要通过剪辑去将时间压缩。譬如康妮先系被家暴，然后走翻娘家揾大佬，电影中就删咗呢段，改为桑尼开门直接见到受伤嘅阿妹，因为观众对信息嘅缺乏，难免会激气情绪去思考。

之后，老教父去同其他家族谈判，佢嘅要求系将迈克带翻嚟。第一次睇时我就惗，柯里昂家族咁强势，照计好容易就将迈克接翻翻嚟嘅。一嚟系因为佢当时射杀咗索拉索同埋一个警察局长，正因为系警察局长，塔塔利亚家族唆摆其他人，将迈克造谣成一个危险分子。加上几大家族嘅仇视，贸然将迈克接翻嚟，好可能会遭到佢哋嘅暗算。

系老教父的葬礼上，导演畀咗强尼一个相对较强嘅镜头，咁就要讲翻文中老教父不单指帮佢系电影业翻身，并医好咗佢把声。而且老教父为咗保住强尼嘅名誉，一度要求佢唔好同自己见面或者通电，但出于恩情，强尼仍然系执意参加咗呢场葬礼。

迈克最后权利嘅体现，小说中有一个小技巧，就系人们对教父有一个尊称——唐。当迈克第一次接手家族嘅时候，人们直接叫佢做迈克，只有去到后面所有射杀完成，啲人先称佢做唐·迈克，并亲手示臣。

电影嘅最后系畀咗凯一个关门嘅镜头，一嚟系佢知道咗丈夫迈克嘅大话，二嚟系佢过于在意迈克同家族嘅事，并唔清楚自己嘅立场，同时亦讲明凯系呢方面，其实并唔适合成为家族嘅人。

原文中对凯嘅呢一幕失望嘅描写仲另一点原因，系因为麦克用尽佢哋结婚以来所有嘅信任，来讲咗呢一次大话。

文章第一部最后系汤话咗凯知妹夫设计杀害了大哥桑尼，以及忒西奥谋杀迈克未遂。最终凯成为一位虔诚嘅教徒，经常为迈克嘅灵魂作祷告。

至于教父第二个令人觉得难明嘅原因，单单系佢好少解释翻做某件事嘅意图，更多嘅系留畀观众去发现。

另外友情提醒，原文有较多咸湿的情节，呢样系我估唔到嘅，都系睇咗先知，会介意嘅朋友......

最后总结下，教父唔系用三言两语就讲得明，就好似第一次读文言文时，没注释基本就怀疑紧自己系度睇紧天书，因此想睇明教父嘅话，最好系拜读下原著啦。