其实，我并没有那么好

咁多年来，我唔知道自己系点样过来噶，但系有一点非常敢肯定，就系你地噶“溢美之词”。

记得细个噶时候，因为读书比较好，成日受到人地噶褒奖，有时亦会作为人地屋企教育小孩噶标杆。但系呢，噶d大人从来唔会去谂，咁样教育细路仔系咪有效，净系知道有样学样，人地咁教育细路仔，佢地又系咁教。其实，可能系因为佢地无乜知识，净系知道咁样做噶时候，d仔女都会乖乖咁读书写字。好似我地父母嗰个年代，读噶书并唔多，识噶野又少，佢地父母比佢地更加衰，连教都可能未教过佢地。依家谂起，嗰阵时，父母都系为左我地好喈。但系，嗰时唔识野，净系知道唔想被挪来比较，有时就变得更反叛，反而更加唔想读书。

虽然我作为一个标杆，其实，我亦唔中意挪人地来比较。我啊妈有时亦会挪一嘀比我做得更好噶人来比较，特别长大后，佢仲系咁样教育我。大个仔噶时候，我就会同佢讲，人地系人地，我系我，如果世界上每个人都好似人地咁，咁自己又去咗边度呢？一个无咗自我噶人，仲系唔系人呢？我都无挪你同人地阿妈比较啊，你就无在做呢d野好唔好？

相对被比较，我更加唔中意人地挪我来作为比较啲标杆。被比较噶人可能觉得标杆唔痛苦，但系我话比你知，作为标杆噶个人，系比被比较噶人痛苦好多。首先，可能会失去某d朋友；其次，所承受噶压力越来越大；最后，不能表现自如，一d钟意做噶野都唔可以做，例如打架、偷番薯等（虽然我经常偷番薯）。其实咁样，我哋呢嘀人就会少咗好多自由同乐趣。

所以，好多时候，我都系私底下去做一d人地认为我唔应该做噶野。慢慢地，我就有了很多很多秘密，人地就觉得我有一种神秘感。而我，亦慢慢地发觉自己已经唔系自己了，像一个双面人一样。一边要好似个乖乖仔一样，而私底下又好似个“飞仔”一样，做一d疯狂噶野。

单单从表面上看一个人，系永远都睇唔清呢个人系点样噶！所以，我要同一个人成为好友，至少要有一年噶接触。呢一年唔系话净系识咗佢一年，而系需要一齐出去玩，一齐倾过谒、谈过心。不但要了解佢系人前系点样噶，亦要知道私底下佢噶人品。亦都系因为咁样，所以我啲朋友系比较少噶，但系都系比较深交d噶。

我哋，好多时候都无人地睇到咁好，因为我哋系呢个世界上生存，需要不断地吹嘘自己，将自己好噶一面表现出来，把自己唔好噶一面收起来。因此，当我哋越接近社会噶时候，大话就越讲越多，直到我哋自己唔知道边句真边句假噶时候，就变得麻木了。好似一个人明明私底下呀烟噶，但因为周围大多数噶人都认为佢唔呀烟，所以人地派烟比佢噶时候，佢系拒绝的。点解佢要拒绝呢，就系因为想系一部分人心中留下当初人地认为系咁样噶。其实，人系会变噶，可能从坏人变好人，抑或从好人变坏人；也可能养成一些坏习惯，抑或改掉了一些坏习惯。但系人可以将接受一个坏人变成好人，却不能接受一个好人变成坏人。好噶事物，人们永远都能接受；唔好噶事物，人们永远都不能接受。

讲到呢度，就要讲利益上噶关系啦！依家呢个社会，慢慢地好噶事物都会有人唔接受噶！例如：禁烟。禁烟无论对个人也好，对环境也好，对整个人类也好，都系一件好事来噶嘛。但系，对于烟草公司来讲，并不是一件好事，对香烟批发商来讲，也不是一件好事。同样，对于一个有十几廿年噶烟民来讲，也不是一件好事。吸咗几十年烟，突然话无比吸，唔吸烟，难度去吸白粉咩？但系对于唔吸烟者、讨厌吸烟噶人，禁烟系一件好事，就好似唔食芫茜噶人一样，希望芫茜永远消失系人类。呢度，就涉及到利益的关系，亦即系所谓的“阴谋论”问题。

点解“我，并没有想象中那么好”？，因为涉及到“阴谋论”。就挪“沟女”来讲拿，所有男人，一切噶雄性动物，遇到女人或雌性动物，都会变得温柔体贴一点，特别系自己中意噶款。佢地，完全同私底下系唔一样噶，可能见到靓女就成个君子咁样，私底下可能就系个人渣。但系，点解拍拖时男人对女人千依百顺，乜嘢事都应承佢地，结咗婚之后又系另外一个样呢？哎！呢个并唔系结咗婚后变咗另外一个样，而系结咗婚后变翻佢原来咁嗰样，变翻你未认识佢之前咁样。点解系咁样呢？就系因为结咗婚后，佢已经唔当你系一个女人，而系当你系“阿四”。

好似依家噶社会一样，好多人仍然认为大学生出来工作，一定做得比没有上过大学d人好，都认为佢地比我哋亦容易搵工多d。但系，只有上过大学噶人先知道，大学生只不过系个头衔，同工作一d关系都无。其实，我哋真系无你地睇到咁好噶，有时我哋噶工资都比唔上你地噶一半。坐办公室可能系舒服，但只不过系身体上的，精神上可能早已经奔溃了。

无论人也好，工作也好，职位亦好，都无想象中咁好噶！表面光鲜噶野，可能早已经血肉模糊，只系你地睇唔到喈。好似呢种人咁，并不需要人地去理解，但求人哋唔好见面就讲“哇，你真幸福！”、“呢份工真好！”、“你就幸福啦！又买车买楼咁”、“你噶仔/女就好啦，搵到份好工！”等等虚假噶话。

其实，我可能并没有那么好！!