2017-12-09

ནག་ནག་མུན་པའི་ཁམས་ལ་འོད་ཅིག་ཡོད།།   

ཟླ་བའི་ཞལ་སྒོ་འཛུམ་པའི་སྣང་བ་ཡིན།།

སྲིད་པའི་མེ་ཏོག་གཡོ་བའི་ལྗོན་ཚལ་དུ།།

ཁྱོད་ལ་འཁྲེང་བའི་བུང་བགྲང་ལས་འདས།།

སྐོར་རེ་སྐོར་རེ་མིག་ཟུམ་ཟུམ་གྱིས།། 

ཚུར་ཚུར་གདོང་ལ་ཡོང་བའི་སྣང་བ།། 

བདག་གི་རྨི་ལམ་ནང་ལ་བཏང་བ།། 

ཚོད་ཚོད་བྱས་ན་ཁྲི་བརྒྱ་ཡིན་རེད།།

དུང་དུང་མཚོ་མོ་ལྷུང་ལྷུང་བཞུར་བའི་ཀློང་།།

བརྩེ་བརྩེ་གཤོག་ཟུང་འཇམ་མཉེན་ལྡེམ་ལྡེམ་འགྲོ།།

འཇིག་རྟེན་ལྟད་མོ་མིག་གི་བུ་ལོན་འཇལ།།

སེམས་ཀྱི་ཅང་སྐྱིད་ཞོན་ཞིང་ཞོན་བཞིན་སོང་།།

ནམ་ཞིག་རྫོགས་སངས་རྒྱས་པའི་སྐལ་བཟང་གི།

དགའ་སྟོན་རྟེན་འབྲེལ་བསྒྲིག་པའི་ཉིན་མོ་དེར། །

ཁྱོད་ཉིད་དབྱངས་ཅན་ལྷ་མོ་དངོས་སྤྲུལ་དགོས། །

ང་ཡི་ཕུགས་འདུན་སེམས་ཀྱི་འཁྱེར་ཕྱོགས་ཡིན། །

ཐང་ཀའི་ངོགས་སུ་རྗེ་བཙུན་སྒྲོལ་དཀར་ལྷའི། །

དགྱེས་ཞལ་ཡང་ཡང་སྟོན་ཞིང་ཡང་ཡང་སྐུང་། །

ཁྱོད་ཀྱང་དེ་ཡི་འགྲོ་ལུགས་འདྲ་མཚུངས་རེད། །

དད་པའི་ཐལ་མོ་སྦྱར་ཡོང་བྱིན་རླབས་བསྩོལ། །

ད་དུང་འཇིག་རྟེན་གཞན་ལ་ནམ་ཞིག་ཚེ། །

འགྲོ་ནི་དགོས་དགོས་མ་གཏམ་བརྗོད་མེད་དེ། །

ཁྱོད་ཀྱི་གཤོག་ཟུངས་ཡངས་གདན་སྟེང་ནས། །

བདག་ཀྱང་མཉམ་དུ་ཁུར་རོགས་ལྷ་མོ་ཀྱེ།  །

སྣང་བའི་མགྲོན་པོ་ནུབ་ཁའི་ཉི་མ་ཁོང་། །

ད་ནངས་ཤར་ནས་འཛུམ་ཞིང་དོ་ནུབ་ཡིབ། །

གཟུགས་དྲུག་སྦྲང་མའི་ལུས་ཕུང་སོ་མ་ཡང་། །

སྐོར་རེ་སྐོར་རེ་མིག་ཟུམ་ཟུམ་གྱིས།། 

ཚུར་ཚུར་གདོང་ལ་ཡོང་བའི་སྣང་བ།། 

བདག་གི་རྨི་ལམ་ནང་ལ་བཏང་བ།། 

ཚོད་ཚོད་བྱས་ན་ཁྲི་བརྒྱ་ཡིན་རེད།།

ལྷན་དུ་བསྣམ་ཞིང་མཉམ་དུ་ཁྲིད་སོང་ངོ་། །

2017-12-09