དགེ་རྒན་གྱི་འཁྲུངས་སྐར་བསུ།

2018-05-13 本文已影响0人 26d9f0e04041

（འཆད）པའི་དབྱངས་ཀྱི་མན་ངག་གསེར་གྱི་སྐུད།།

（རྩོད）པས་རྒོལ་ངན་བྲག་བརྒྱ་ཐལ་བཞིན་གཏོར།།

（རྩོམ）པའི་ངང་ནས་དབྱངས་ཅན་སྒྲ་དངོས་འབྱིན།།

འདྲེན་པའི་དད་དཔོན་ཆེན་མོ་བྱང་ཟླ་སྟེ།།

མྱ་ངན《སྡུག་བསྔལ》ཕར་རོལ་གཏན་བསྐྱུངས་ཕྱིར།།

མ་རིག《ཀུན་འབྱུང》རིགས་པས་ཚར་གཅོད་ཐབས།།

བདེ་ཆེན《འགོག་པ》མྱང་འདས་གསར་ཐོབ་པར།།

དེར་ཕྱིན《ཐར་ལམ》མངོན་སྟོན་འདྲེན་པའི་མཆོག།

གཞན་ཕན་ལྷག་བསམ་བློ་ཡི་རྒྱ་མཚོ་འཁྱིལ།།

བདག་གཞན་ཀུན་ལ་སྙིང་རྗེས་འཇའ་གུར་ཕུག།

བྱམས་བརྩེ་འདབ་སྟོང་འགྲོ་དྲུག་ཡོངས་སྨིན་པའི།།

དགེ་རྒན་བྱང་ཆུབ་ཟླ་བ་གཙོར་བྱས་བསུ།།

དེ་རིང་བཀྲ་ཤིས་ཆར་བཞིན་ཕྱོགས་བཅུར་མཆེད།།

དེ་རིང་བཀྲ་ཤིས་མཚན་མོའི་སྐར་ཚོགས་བཞིན།།

དེ་རིང་བཀྲ་ཤིས་འཇའ་ཚོན་བཞིན་དུ་སྒེག།

དེ་རིང་དགེན་མཆོག་བྱང་ཟླའི་སྐྱེས་སྐར་བསུས།།

དུས་དེ་རིང་ཉིད་བདག་ལ་མཚོན་ན་འཇིག་རྟེན་ན་ཆེས་རླབས་ཆེ་བའི་དུས་ཁྱད་པར་བ་ཞིག་ནི།

ཨ་མའི་དུས་ཆེན་ཡིན་པར་མ་ཚད་བདག་གི་སྙིང་ཁོང་གི་པད་མོ་གཅིག་པུ་དགེ་རྒན་དམ་པ་བྱང་ཆུབ་ཟླ་བའི་འཁྲུངས་སྐར་ཡིན།

དེས་ན་གོ་སྐབས་བཟང་པོ་འདི་དང་སྦྲེལ་ཏེ་དགེ་རྒན་དམ་པ་ཁོང་གི་སྙུང་གཞི་ཐམས་ཅད་རིགས་ལྔའི་ལྷས་ཐལ་བ་བཞིན་དུ་གཏོར་ཕྱིར་བསམ་ཡས་ལས་འདས་པའི་མཆོད་རྫས་འབུལ།

དགེན་རིན་པོ་ཆེའི་སྐུ་ཚེ་ནི་གཡུང་དྲུང་བྲག་ལས་སྲ་བ་དང་བསྐལ་བརྒྱུ་བར་དུ་མི་འགྱུར་བརྟན་པར་གཡུང་དྲུང་བོན་གྱི་ལྷ་དང་སྲུང་མ་གཉེན་པོར་སྐྱབས་འཇུག་ཡང་ཡང་ཞུའོ།

༢༠༡༨༥༡༣ཉིན་ལ་ཉག་བཙུན===ན་བུན་གྱིས།