过念头

屋里厢上海闲话讲勒越来越少了。除忒跟大陆艾讲讲，小陆基本上侬跟伊讲上海闲话，伊自动切换到普通闲话回答侬，呐伊一点办法阿没。

听说王家卫导演的电视剧《繁花》是讲沪语额，要到元旦前首播，相当期待。

在《繁花》还没开出来前头，看了一半徐峥跟马伊琍两年之前额讲上海闲话额电影《爱情神话》。

蛮咋劲额。

还没看光，尽管剧情并没啥特别大额高低起伏，于平淡当中，光是听伊拉叽里呱啦讲上海闲话，就已经老“过念头”了。

再讲迭部片子是上海拍额，包括拍摄地永康路小洋房等等才是老有特色额小姿米道。

老里八早，印象最深额讲上海闲话额片子是《儿女情长》《夺子战争》《孽债》等，好看了伐得了，迭辰光几个人物角色也选了老好额，上海闲话一出来，腔势浓了哈涩人。

现在讲上海闲话片子基本上伐大看到了，还好还好，马上《繁花》要开始了，又好听上海闲话“过念头”勒。