ꌒꂾꇁꄿ[杉木沟]
2017-11-06 本文已影响0人
秋水荻翁
ꏦꍠꒉꄿꂱꋮꇊꂱꋮ
ꉖꏂꁧꏡꏾꂪꇊꏾꂪ
ꏮꐰꉜꑌꏦꏪꎵꑳꀕ
ꏮꉎꉜꑌꁦꌺꄉꉬꀕ
ꄐꃅꄐꄉ，ꐦꐛꀋꉬꑶꋦꋬꂻꅱꅉꍈ
ꌒꂾꇁꄿ[杉木沟]
ꀉꐔꄷꑌꐰꇗꊰꇮꇱ
ꀿꃅꐦꊂꀀꇬꁭꂥꀮꇊꇉꊂꏀꄉꇈ
ꀿꃅꒉꋮꀀꇬꁭꂪꀮꇊꇉꊂꏀꄉꇈ
ꀿꃅꈢꈐꀀꇬꁭꂪꀮꇊꈢꉈꏀꄉꇈ
ꐥꍂꄷꑌꋍꊭꆏꀿꃅꋍꊭꆏꁭꂪ
ꌒꂾꇁꄿꌨꑌꆈꊉꀕꒈꑌꏣꃅꎴ
ꌩꋦꑌꉠꌩꁍꐊ
ꁍꑗꑌꉠꋍꌋꐊ
ꁦꐙꑌꉠꋍꁕꐊ
ꑠꉬꐛꅹꀞ
ꃷꇎꃷꇤꃅꀋꌧꋑꆹꉘꌠꉡꂿꒈꌠꀕ
ꌩꋦꇓꋦꃅꀋꌧꋑꆹꉘꌠꉡꂿꁡꆡꀕ
ꒊꃀꒈꌺꃅꀋꌧꋑꆹꉘꌠꉡꂿꑖꈈꀕ
ꀉꁁꄷꀋꁧ，ꌞꈍꀞꄇꃅꀋꌧꋑꆹꉘꌠꂯꁍꎼꆣꈭꀕ
ꀉꁁꄷꀋꁧ，ꌞꍆꀕꅐꋑꉻꑭꑋꍈꂯꉡꂿꎒꃚꌒ
ꋍꈭꐨ，ꁧꐙꑌꉢꌌꂒꉻꈀꋽꀕꍈꋉꄉꌐ
ꋍꈭꐨ，ꒉꀕꑌꉢꌌꂓꏀꈁꎔꎗꍈꋉꄉꌐ
ꌒꂾꇁꄿ[杉木沟]
ꃅꈎꃅꆪꑌꃮꆪꊷꈌꇂꃴꃰꐎꐯꃅꐯ
ꃀꌠꈧꌠꋍꋏꆴꋍꋏꈤꌊꌒꂾꇁꄿꑌꀄꂼꋍꈁꌡ
ꈎꃀꆪꃀꁧꐙꏾꏂꌘꏾꌌꄉꄛꆏꌺꐥꀿꉂꇨꌠꎭ
ꏮꇴꏮꐱꅩꀱꀿꃅꑞꆏꅩꐥꃀꉂꇨꌠꈜꀕꎭ
ꏾꏂꁡꇤꑲꒌꄀꆏꌺꇖꁍꇁꑗꉂꇨꌠꀊꅰꎭ
ꑳꈣꀉꆹꂶꌠꉜꀕꐆꀋꀬ
ꃄꅉꀉꅠꏬꌠꉜꀕꊽꉌꐡ
ꁦꌺꁍꇁꀿꒌꏣꈧꌠꉜꀕꅲꇢꈻ
ꃰꐎꉘꃀꁦꌠꈜꏁꇀꆏꌒꂾꇁꄿꋅꃹꎹꀕꇤꑟꃅ
ꁦꀑꏾꏂꉘꃀꏽꌠꊯꆏꌒꂾꇁꄿꑊꎔꇉꊂꆚꑟꃅ
ꈎꃀꆪꃀꏮꇔꏮꏑꇀꆏꌒꂾꇁꄿꈁꉜꑋꈈꀕꑟꃅ
ꏾꏂ，ꏾꅪ，ꃰꐎ，ꊸꑭ
ꈎꈤꇁꂯꈎꏅꃅꌗꅿꇁꀐ
ꀿꑌꒊꌋꀕꃅꌺꇖꋦꁍꐏꑌꋭ
ꃀꑌꑖꈈꀕꃅꍂꇖꐰꇗꄻꐺꋭ
ꌺꇖꋍꊈꆏꄑꉠꉐꐂꃅꉔꆹꋭ！
ꌒꂾꇁꄿ[杉木沟]
