བཞིན་བཟང་མཛངས་མ་ནི།། པི་ཝང་་དཀྲོལ་གྱིན་འགུགས།།

                                                                རྩོམ་མཁན། མིང་མེད་སྐྱབས།

                                                                  བོད་སྒྱུར། ཚེ་ཏན་དོན་གྲུབ།

                                                                    原著：无名氏

                      ལྷ་བྱ་མགྲིན་སྔོན་ནི།།ཆུ་བོའི་གཞུང་དུ་གྲག །

                      བཞིན་བཟང་མཛངས་མ་ནི།།སྐྱེས་མཆོག་དམ་པའི་གྲོགས།།

                          关关雎鸠，在河之洲。窈窕淑女，君子好逑。

                      ཆུ་སྐྱེས་མི་མཉམ་པ།།གཡོན་ནས་གཡས་སུ་ལེན།།

                      བཞིན་བཟང་མཛངས་མ་ནི།།རྨི་ལམ་ཚུན་ཆད་འདེད།།

                        参差荇菜，左右流之。窈窕淑女，寤寐求之。

                      བཀུག་ཀྱང་མ་ཐོབ་ན།།ཡིད་སེམས་གདུང་བའི་གཞི།།
                      འགྲེ་ལོག་ཡང་ཡང་བརྒྱབ།།དྲན་པས་གཉིད་ཀྱང་ཆག །

                      求之不得，寤寐思服。悠哉悠哉，辗转反侧。

                      ཆུ་སྐྱེས་མི་མཉམ་པ།།གཡོན་ནས་གཡས་སུ་འཐུ།།
                    བཞིན་བཟང་མཛངས་མ་ནི།།པི་ཝང་དཀྲོལ་གྱིན་འགུགས།།

                        参差荇菜，左右采之。窈窕淑女，琴瑟友之。

                      ཆུ་སྐྱེས་མི་མཉམ་པ།།གཡོན་ནས་གཡས་སུ་འབྱིན།།
                      བཞིན་བཟང་མཛངས་མ་ནི།།རོལ་མོས་ངོ་དགའ་བྱ།།

                      参差荇菜，左右芼之。窈窕淑女，钟鼓乐之。