讲讲沪语方言之－－谈谈词眼“卖相”搭“卖洋”
吾是一个土生土长个上海人，上海人所使用个言语就叫做沪语方言闲话，与此同时，伊也是属于吴语地区个方言闲话，勒其中有一个词眼就是叫作“卖相”，还有，勒有些辰光，像“卖相”一词，还是搭“卖洋”迭个词眼，一道使用个，伊个意思是有相同个地方。
勒通常情况下唻讲伐，还尤其是对于老一辈个老上海人唻讲伐，覅管是勒讲“卖相”也好，还是勒讲“卖洋”也罢，伊覅是勒讲某类物品个样子是哪能个，就是勒讲某人个外表或相貌是哪能个，上海人勒讲“卖相”或“卖洋”个辰光，多少是有眼炫耀卖弄个成分。
据吾查询到个历史资料了解到，当辰光走到1980年10月5日礼拜天，《苏州报》上刊登过一篇由周振杰撰写个一小段文字，里向就提及“卖相”迭个词眼，曰：“身体虽然矫捷，却不魁梧，卖相比刚才那个山东大汉差得多。”迭极有可能就是“卖相”顶早个出处！
当吾撰写好上头个一段文字后，极有可能就会有覅少个个人或人群会对吾唻讲到，侬所讲个“卖相”迭个词眼，分明就是出自江苏苏州地区个方言闲话，伊哪能又有可能会演变成为倷笃上海人专有个一种方言俚语闲话呢？！顶顶主要个一个原因侪是－－像上海迭座城市个属性，就是属于一座五方杂处搭海纳百川个城市，勒迭座城市文化个里向，尤其是勒方言闲话文化发展个全过程中，勿单单是属于一种“海派类型个文化”，而且勒其中还融合并整合有多元个文化。
除忒上海迭座城市，拥有本乡本土个文化搭方言闲话文化以外，上海勒发展个全过程中，同样还有兼容并蓄个融入覅少个外唻文化哦。为此，只为能更好个说明迭种情况，就让吾唻列举迭个方面个例子。比方讲：勒上海个方言闲话文化当中，既拥有欧美个英语文化搭法语文化，主要还是以英语文化为主，以及还有搭国内其他各个省市文化结合相融勒一道个，勒江苏、浙江两地所使用个某些方言俚语闲话，上海人也同样会去采用个，还有山东、广东地区个方言闲话文化，上海人，也同样是会采纳并去使用个，一旦使用个邪气悠久以后，还一旦是辰光一长久而久之，就会演变成为上海人个方言俚语闲话。
除忒吾勒上段文字当中所讲个以外，继续要举例说明情况。还比方讲：勒沪语方言当中个“阿飞”，伊个意思是指（小）混混，迭个词眼就是从英语单词“fly”演变而唻个；像“老虎（天）窗”迭个沪语方言词眼就是指“屋顶上头个窗”，迭个词眼是由英语单词“roof”演变唻个；沪语方言词眼“斯别林锁”，伊就是指“弹簧锁”，伊是由英语单词“spring”演变而唻个……凡事种种可谓不胜枚举！
吾还查询到迭能个一段历史资料，勒1935年个辰光，汪仲贤先生著有一本《上海俗语图说》一书，伊勒书籍里向专门收录有“卖洋三千”迭个条目，拨过，伊是拨“卖洋”迭个词眼，写成“卖羊”迭个词眼个。伊还讲道，虽讲书里向是写“卖羊”迭个词眼，然而勒伊个心里向、内心深处只认可“卖洋”迭个词眼个，而覅是“卖羊”迭个词眼个，为啥会得迭能呢？！只因为勒掰时个上海滩浪，凡是居住勒上海地区个人搭上海本地人，或多或少侪是存在着一种赶时髦个心态，那些精明个商贩们就会拨但凡是从国外进购唻个、各式各样个商品拨改头换面，冒充各种国货唻卖，覅仅货品好，而且价钿也便宜。
通过吾查询学习相关个各种资料历史显示以后，让吾获得并晓得有迭能个一桩事体唻，迭桩事体就是－－像沪语方言“卖洋”当中个迭个“洋”字，勒通常情况下唻讲伐，绝对是有特指个对象，伊顶顶主要个还是指“东洋货”。勒中华民国时期个上海迭座城市，各种“东洋货”个质量，覅仅要比国货唻得要好很多，而且还勒掰搿辰光，伊个价钿也要比国货唻得便宜许多，国货覅仅品质推扳，价钿也是属于邪气高个。嘎么，勒中华民国时期个上海人，为啥会得去发明“东洋货”迭个词眼呢？！侪是因为勒国人个历史浪，尤其是勒中华民国个老上海人，抑或比中华民国时期还要早几代个老上海人，一律侪是拥有迭能个一种习惯哦，迭个习惯就是－－拨“日本人”侪是叫作“东洋人”个，还但凡是从日本漂洋过海唻个、各式各样个商品，就拨叫做“东洋货”。勿单单是迭能唻，勒掰时，日本迭个国家曾侵略过中国顶少达14年之久，日本人也勒中国各地开设有各种工厂、制作各类商品个，凡是日本人勒中国生产个各类商品也叫做“东洋货”。
勒中华民国时期个上海迭座城市，但凡是贩卖各类“东洋商品”个店铺，覅管是由国人开设个，还是由日本人自家开设个，则一律拨叫做“东洋（商）店”。勒掰时，还勒那些赶时髦个人个心里向，既有一股爱国个情绪勒里向，又有“赶时髦”个心态，会时覅时个惺惺作态起唻，勒通常情况下则是覅好意思去“东洋（商）店”购买各种自家邪气欢喜个“东洋货”个，有些精明个国人商贩们，看到是一个交关好个商机，正所谓是机不可失失不再唻，走过迭个村就呒没迭个店，还是求之覅得个好商机，就乘机大量购进日本人个各类商品，再改头换面贩卖拨有需求个人，就算是买回去以后拨识破也是呒没关系个，反正可以由商家代他人受过，自家却是覅用负丝毫责任个。
但凡是采用迭能个一种把戏搭经商个手段以后，辰光一长久而久之长此以往下去，勒掰搿辰光个上海人，干脆就拨伊叫做“卖洋”迭个词眼，“卖”勒通常情况下唻讲伐，伊就是指拨各类商品拨卖出去，勒贩卖出去个辰光，那些精明过商贩们还要拨各类商品梳妆打扮包装一下，从而就能显得某一类商品会变得漂亮一眼眼、好看一眼眼，勿单单能受到大众个欢喜搭青睐，还能更加有利于拨各类商品拨出售出去。同样是迭个词眼，也同样是时间一长久而久之长此以往下去，像词眼“卖洋”当中个迭个“卖”字，也并覅是一蹴而就个，也一样是历经过多趟个发展搭演变个，迭个词眼演变到目前为止以后，就拨今早仔个上海人引申为“卖弄搭炫耀”一词，类似于像迭能个一种词眼，勒沪语方言俚语闲话当中，绝对是属于邪气常见个一种词眼哦！
于是乎，当方言俚语词汇发展结合并融合到一定程度时，就自然而然地合并勒一道，相同或类同个意思，可以采用覅同个表达方式，“卖洋”搭“卖相”迭两组词眼也是迭能样子个，“卖洋”搭“卖相”侪能指某类商品个包装搭外观，同时也能指某人个外表搭相貌。
一旦是指外表搭相貌时，就覅存在买卖迭种讲法。吾还听到过某些专门研究沪语方言闲话个专家们讲道，还是拨“卖洋”一词顶好写成“卖样”为好，因为如若是写成“卖样”一词，覅但会显得更加个形象，而且还能更好个去解释啥个侪叫做“卖弄”搭“炫耀”。
讲句大实话，而吾本人却是迭能唻理解、认得并去认为个，“卖洋”迭个沪语方言词眼勒吾看唻，或者讲勒吾个心里向，就会认为要比“卖样”迭个词眼，唻得要邪气多个哩，为啥事体吾会产生迭能个一种想法呢？！侪是因为依旧是勒吾看唻，像“卖洋”迭个词眼当中个“卖”字是包含着“买卖”个意思勒里向个，而“洋”字则是可以笼统个指各种“外唻商品搭东洋货”，覅管是卖方，还是买方，但凡是能够经营“外唻商品搭东洋货”个各位老板们，自然就是属于与众覅同个老板，勿单单是迭能样子唻，而且吾还会认为，勒中华民国时期个上海迭座城市，还但凡是能够做迭一门生意个人，覅管是做小生意，还是做大生意，往往也是属于拥有一定综合实力搭综合能力个老板，更但凡是能购买得起“外唻商品搭东洋货”个、各式各样个顾客，自然是覅需要多去言语一些啥么事，必然是拥有交关好个经济实力，伊本人家庭个经济条件，也肯定是属于邪气覅错，勒一买搭一卖之间，还勒或明或暗之间就拨“卖弄”搭“炫耀”个成分包含勒里向。
覅管是“卖相”一词，还是“卖洋”一词，曾经是上海人常桩性会讲到个一个词眼，今早仔个使用频率，真可以说是江河日下。当时光走到今早仔时，可以讲邪气少有上海人再会去使用迭个词眼。
同样是覅需要去多言多语一些啥么事哦，吾还会去认为，既覅管是身处勒何种时代里向个个人或人群，也覅管伊本人个脾气秉性是哪能个，既对于肉身凡胎个普罗大众唻讲，还对于一个生理交关正常个男性同胞或女性同胞唻讲，绝大多数个人侪是属于“外貌协会会员”！只要是行走勒各条大街小巷当中，覅管是那些男性同胞，还是那些女性同胞，还只要是看到身边有走过个某位俊男靓女，而且经仔细端详以后，发现伊本人个“卖相”或“卖洋”，还是属于长得邪气覅错，勒通常情况下，自然而然就会拨吸牢仔个，还会忍覅住去多看几眼个，勒内心深处，必然也会生成一种愉悦个心情唻。但凡是见到卖相或卖洋覅是邪气好看个男性同胞或女性同胞，伊本人个卖相或卖洋是长得交关难看个，既是覅愿意去多看一眼个，而且更有甚者个人，既会摆出一副令人作呕个状态唻，还立马就会做出逃之夭夭个举动唻。
讲句大实话，虽讲今早仔个吾一直单着，也去谈过好几趟恋爱个，要是连见一次面未做丝毫交流也算作勒谈恋爱个闲话，顶少达到两个排个人数。勒其中有覅少个女性就是属于“纯外貌协会”个，伊拉几乎异口同声个用沪语方言唻讲：“今早搭侬唻相约，是‘吾’人生旅途中顶顶倒霉个一桩事体，为啥事体啊？！侪是因为‘吾’碰着侬迭个卖相（洋）长得邪气难看个人，虽然讲一个人个番司侪是爷娘拨个，自家无论如何也是呒没办法去做一个挑选个，也是根本覅可能去做挑选个，侬自家个卖相（洋）是长得覅好看、番司交关难看，‘吾’是可以去理解个，迭并覅是侬本人个错误，但是侬竟然还敢以嘎么难看个卖相（洋）唻搭‘吾’轧朋友谈恋爱，迭个就是属于侬个覅对，侬自家难道连自知之明也一眼侪呒没吗？！侬覅单单就是勒大庭广众之下骚扰‘吾’并勒侮辱‘吾’，还是勒白相‘吾’个感情！”……
当代个国人尤其注重个是“卖相”或“卖洋”，覅管是谈个恋爱、轧个朋友，还是买卖各类商品，侪是离覅开“外貌协会”个，同样个某一类商品，若是“卖相”或“卖洋”是长得邪气好个，交关容易出售卖出去个。因此讲，勒市面浪向一度曾出现迭能个一类商品。
比方讲：对于某些心地覅哪能善良个商贩们唻讲伐，就去出售那些有毒性个大米，迭种大米经过工业油洗刷过以后，就会变得亮晶晶闪闪发亮，就好像是当年新鲜收割上唻个新大米一样；又比方讲：同样是某些心地覅哪能善良个商贩们，就采用硫黄去熏制各种生姜，其颜色搭色泽经过熏制以后，就会变得光鲜靓丽；还比方讲：依旧是某些心地覅哪能善良个商贩们，覅管是小黄鱼，还是大黄鱼，颜色如若是显得覅够黄时，又该哪能去办呢？！就勒黄鱼个上头去涂抹上一层黄颜色个粉末，自然就会变黄……凡事种种，真个可以讲是比比皆是举不胜举个。老百姓但凡是购买并喫或“卖相好”或“卖洋好”个各类食物或各种商品，而且各类食物或各种商品个“好卖相”或“好卖洋”，迭些侪覅是属于自然形成个，而是经过人为给予个梳妆搭打扮以后，是硬生生个拨增添添加上去个，绝对是覅会拥有一眼好处个，对于自家搭家人个身心健康是覅利个，是千万覅能去触碰伊个。
当吾走过44年个生命旅途以后，还伴随着吾个人生经历搭人生阅历变得覅断个丰富起唻以后，自家始终侪是迭能唻理解、认得并去认为个，勒任何一个国度或某一区域里向个人，或多或少侪是会有妒忌搭嫉妒之情个，勒吾所在个城市上海也同样莫覅是迭能样子个。
对于像上海迭座城市唻讲伐，覅管是身处勒何时何地，尤其对于土生土长个上海人唻讲伐，要是讲有某个上海人，看见某个人，覅管对方是男性同胞，还是对方是一名女性同胞，只要是勒番司方面是属于长得邪气好看类型个，而且还是属于耐看、百看覅厌类型个人，“卖相”或“卖洋”是长得交关好个，还一旦讲，观看个人觉着自家呒没对方好看个辰光，自家搭对方相比与比较之下，个人相对而言就是属于一个邪气难看个人，还要是讲勒自家个内心深处产生一丝个妒忌搭嫉妒之情个辰光，而且勒内心深处始终存有迭能个一种状况时，覅管观看个人，是一位男性同胞，还是一位女性同胞，则会采用沪语方言闲话唻讲道：“哼，算伊本人个卖相（样）长得好看死忒勒，又有啥个好啦，就覅晓得是勒拉卖相（样）三千点啥个么事哦！”……
上段文字个意思是讲：有人勒或嫉妒或妒忌比自家长得好看个人个辰光，因而会讲一系列个坏话，还会拨对方讲得一钱侪覅值。
吾再唻列举一个有关于“卖相”或“卖洋”个例子，以便就能更好个说明情况。就有两位上海中年妇女勒一道“谈谈山海经嘎嘎讪胡”个辰光，勒其中个一位中年妇女开口用沪语方言闲话，对另外个一位中年妇女唻讲道：“吾真覅晓得侬要担心点啥个么事哦，侬个‘囡鱼’卖相（洋）长得嘎么介好看，赛过西施搭貂蝉，‘好好较’要掼人家三四条横马路，还怕嫁覅出去、寻覅着啥个好人家吗？！”……
【备注：“嘎讪胡”搭“谈山海经”是沪语方言闲话，伊个意思就是指聊天；“囡鱼”是沪语方言闲话，伊个意思就是指“女儿”；“好好较”也是上海沪语方言闲话，伊个意思就是勒讲：有实在个意思勒里向。上段文字个意思是勒讲：有两位上海人勒聊天个辰光，其中个一个人则是迭能唻讲到个，讲侬个囡鱼个相貌长得邪气好个缘故，所以讲，侬是用覅着担心一些啥么事，一定会找到好个对象个。】
当文章撰写到迭个地方个辰光，吾认为吾末脚还要再唻列举一个有关于“卖相”或“卖洋”个例子哦，迭是为啥事体？！只因为迭个例子还是搭吾本人有关系个，而且令吾至今侪难以去忘记忒哩！
吾至今为止依旧还能够清清爽爽个去记得迭能个一桩事体哦，迭桩事体就是－－当吾伲一家四口人，【备注：爷娘、大吾五岁个亲大哥陆明搭吾。】搬迁到一梯有三户、层高为六层楼高个新工房居住个辰光，第一年个夏天呒没装纱窗个缘故就拨蚊虫叮咬，浑身上下侪拨叮咬有好几个块，等到第尼年吾伲家就请木工师傅们，拨有窗户个地方加装木制个纱窗，为个就是防止勒夏天个季节里，拨各类蚊虫叮咬。
因为吾搭亲大哥个身体素质，基本浪向侪是属于邪气推扳个缘故，因此讲，家母倪榴珍每间隔一段辰光以后，会拨吾搭大哥滋补身体购买各种好喫个食物唻喫喫。勒制作并安装纱窗个全过程中，有一日拨吾伲烹饪野生个黄鳝喫，勒掰搿辰光亦是呒没家养或养殖个黄鳝哦，侪是野生个黄鳝，勒掰搿辰光、勒吾伲屋里基本浪一个季度能喫到一趟到两趟，迭个故事个辰光，是发生勒20世纪80年代个末期。
家母倪榴珍勒拨吾喫黄鳝个辰光，既是拨黄鳝放勒饭碗底下头个，还用沪语方言闲话谆谆告诫过吾，讲道：“今早仔吾伲屋里向夜饭所喫个各种小菜，勒拉其中就有黄鳝迭道小菜，侬要记记牢，做人，既覅好鲜格格，也覅好卖相（洋）三千点啥么事哦，更覅好到处去卖相（洋）、去炫耀讲今早仔吾喫黄鳝勒，自家就蹲勒拉旁边压压较喫，侬又覅是覅晓得，有覅少个人家，经济条件还覅如吾伲唻！”……
家母又继续用沪语方言闲话唻讲道：“侬是看到过伊拉木匠师傅个，伊拉每天仔到勒喫夜饭个辰光，饭碗里向是呒没啥个小菜，只拨过是两碗白米饭加一颗榨菜罢了，侬要拨伊拉看到吾伲勒拉喫黄鳝个闲话，勿单单是要眼红个，还会得流口水馋吐水哒哒滴！”……
所撰写个上面两段文字，家母就是只为说明并告诉吾，勒任何辰光，做人是覅能“太卖相”或“太卖洋”，若一直侪是迭能，还要是辰光一长久而久之，只会拨自家带唻坏处，是呒没一眼好处个！
【备注：①：文章为作者原创；②：各种上海风景图片、沪语方言侪是唻源于网络上头；③：万分感谢原创图片。】
杜老倌侠客居（陆伟）写于2021年10月17日礼拜天夜里向
