བརྗེད་པར་དཀའ་བའི་སྒྲོན་མེ།
ངས་བརྗེད་པར་དཀའ་བ་ཞིག་ནི་ང་རངསློབ་འབྲིང་སྐབས་ཀྱི་དགེ་རྒན་རྣམ་རྒྱལ་ལཊ་ཡིན།
རིག་པའི་གྲུ་གཟིངས།
ད་ལྟ་ཕྱིར་དྲན་ཞིག་བྱས་ན། སྐབས་དེར་ཁོང་དགུང་ལོ་ཉི་ཤུ་ཙམ་ཞིག་རེད་འདུག ཞལ་རས་དེ་ཙམ་དཀར་པོ་མེད་ཡང་སེམས་གངས་ལས་ཀྱང་དཀར། ངའི་དྲན་སྣང་དུ་ཁོང་ནི་གཤིས་རྒྱུད་འཇམ་པའི་ན་གཞོན་ཞིག་ཡིན།
ཁོང་སྙན་ངག་ལ་ཧ་ཅང་དགའ་བ་མ་ཟད། ད་དུང་ང་ཚོར་སྙན་ངག་དེ་རོལ་དབྱངས་ཀྱི་འགྱུར་ཁུག་ཇི་བཞིན་བཀླགསནས་འཁྲིད་པར་དགའ། ཁོང་གི་བཀླགས་པའི་སྙན་ངག་གི་གདངས་ད་ལྟའི་བར་དུ་ཡིད་ལ་ལྷང་ངེར་དྲན་པ་དང་སྙན་ངག་དེ་ད་དུང་ངག་ནས་སྐྱོར་ཐུབ་པ་འདི་ལྟ་སྟེ།
ཟབ་མོའི་ཐབས་ཤེས་མིཤེས་པའི། །
བརྩོན་འགྲུས་དེ་ཡང་དོན་སྙིང་ཆུང་། །
གནད་འགག་ཟབ་མོ་མ་རྟོགས་པའི། །
སྙིང་རུས་དེ་ཡང་བཤུལ་ཐག་རིང་། །
རིག་པའི་གྲུ་གཟིངས།
དེའང་ད་ལྟ་བསམས་ན་ང་རང་རྩོམ་རིག་ལ་ཉེ་བའི་འཇུག་པ་དང་རྩོམ་རིག་ལ་བློ་ཕྱོགས་པ་དེ་ཁོང་གི་བག་ཆགས་བཟང་པོ་ལས་བྱུང་བར་ངེས། འདི་འདྲའི་དགེ་རྒན་ལ་ང་ཚོ་ཧ་ཅང་དགའ་བ་མ་ཟད། ཁོང་དང་ཉེ་བར་འགྲོགས་མི་འདོད་པ་ཅི་ལ་སྲིད། ང་ཚོས་ཁོང་མཐོང་མ་ཐག་ཏུ་རང་དབང་མེད་པར་ཁོང་གི་གམ་དུ་རུབ། ཐ་ན་བྱ་འགུལ་བཟོ་ལྟ་ལ་ཡང་ལད་མོ་བྱས་པ་ཡིན།
ཁོང་གི་ང་ཚོ་ལ་ལོ་གཉིས་ཀྱི་རིང་ལས་བོད་ཡིག་འཁྲིད་མ་མྱོང་ཡང་། སློབ་འབྲིང་ལོ་གསུམ་སློབ་ཚན་འཁྲིད་པའི་དགེ་རྒན་ལས་བརྩེ་བ་ཟབ། རང་ཉིད་ཀྱི་ངོས་ནས་བརྗོད་ན། ཁོང་ནི་ངའི་ཨ་ཕ་དང་འདྲ་འོ། རང་ཉིད་ཀྱི་བྱ་བ་ངན་པ་གང་སྒྲུབ་ཀྱང་ཁོང་གི་སློབ་གསོ་མ་གཏོགས། ཉེས་རྡུང་གཏང་ནས་བྱས་མ་མྱོང་།
དུས་ཚོད་ནི་སྐར་མདའ་བཞིན་འགྱོགས་པའི་སློབ་འབྲིང་གི་འཚོ་བ་འཇུག་སྒྲིལ། ང་དང་དྲིན་ཆེན་དགེ་རྒན་འབྲེལ་བའི་ལས་ལ་བསྐོས་བྱུང་། ཡིན་ན་ཡང་། སློབ་འབྲིང་གཏམ་རྒྱུད་རིང་མོ་དེ་དྲན་ཚེ། དགེན་དྲིན་ཆེན་མཉམས་སུ་ཡོད་དུས། དྲིན་ལན་ངས་མ་མཇལ། ད་ལྟ་གྱོད་པ་རེ་སྐྱེས། ང་རང་གིས་དགེ་རྒན་གནོད་པའི་བྱ་བ་སྒྲུབ་སྒྲུབ། དགེན་ལཊ་ཀྱིས་ང་ལ་སློབ་གསོ་གཏང་གཏང་།
རིག་པའི་གྲུ་གཟིངས།
ང་རང་མཐོ་འབྲིང་སླེབས་ནས་དགེ་རྒན་དུ་མ་ཞིག་དང་འཕྲད་བྱུང་། འོན་ཀྱང་། གང་སར་ཅི་ཐད་ནས་ཁོང་དང་འགྲན་ཟླ་འབྲལ།
སྨྱུགམིང་།རིག་པའི་གྲུ་གཟིངས།
