美梦成真（下），遵从自己意愿，勇往直前

美梦成真（下）……原来係咁！

粤声讲故|粤讲粤有趣

♫. ♪~♬..♩

前文再续书接上一回

ヽ(•̀ω•́ )ゝ

小壹变成了一只风筝

他本想好好享受这一奇遇

不料一切都是他无法控制的

……

他要如何才能恢复原样呢？

 | NO.11 |

壹仔谂唔到自己真係变成咗一只纸鹞，霎时间，他都唔知点做好了。

不过，春风和煦，托住佢轻僄僄嘅身体一路係咁飞，慢慢，佢嘅心都轻松咗好多。他心谂：我仲有感觉，仲有思想，咁即係话，我应该仲可以发梦啦，等我发多个好梦，咁我咪可以变返原来咁咯。

既然係咁，我仲使乜惊啊？变成一只纸鹞，喺天上自由自在咁飞，係得我先可以做到嘎咋！等我好好享受下先！

 | NO.12 |

壹仔彻底放松，乘着一阵清爽嘅风，飞到更高。

佢觉得自己好似瞓喺蓝天嘅怀抱里面，清风一啖一啖咁惜（意为吻）佢嘅面仔，不知几舒服。佢突然好想睇下自己依家（意为现在）嘅样，于是又借住一阵下沉嘅风，慢慢靠近前边冇几远嘅一个池塘。借住水里面嘅倒影，佢终于见到自己个样了。

原来，佢係一只传统款式嘅燕子风筝，红黑相间，燕肚上面画住一条金鱼。唔知係唔係畀佢肚煲上面嗰条好抢眼嘅金鱼吸引到呢，一条大鲤鱼突然跳出水面，打咗个空翻（意为跟斗），条尾啱好打咗喺佢左边只翼度。他畀条鱼打到侧埋一边，只翼贴住水面掠过，佢差啲冲入个塘度。佢当堂打咗个突——如果跌咗落水，就飞唔起嘎了，而且，仲唔知会唔会浸死添啊……

谂到呢度，他又联想到其他嘢——如果唔係掉落水，而係挞（意为跌）喺地，畀人用脚踩畀车研（意为碾压），就算唔死都一身散啦！太牙齴（意为危险）了！都係飞返上去先！

就好似喺空中跳紧美妙嘅华尔兹。

 | NO.13 |

啱好，掀起一团旋风，他被再次卷起，吹向一片密林。“唔好啊！唔好飞去嗰边啊！如果卡住就弊啦！”但係，佢根本控制唔到自己应该飞去边又唔应该飞去边。

果然，连住佢嘅嗰条线卡咗喺条幼树枝度，唔理佢点掹，佢都逳唔到（意为动不了）。“既然逳唔到，我都係快啲瞓觉发梦好过了。”点知，就喺呢个时候，一班细孥跑过嚟，举起弹叉，用石仔打树上面嘅果实。“弊啦！如果畀佢哋打穿咗，我就飞唔起嘎了！”壹仔畀条线㨢（借音字）住，唔到佢随便逳，佢只可以好笨拙咁闪避。

突然，一粒石子飞埋他度，眼睇住就嚟打到佢了……

好在，打咗喺卡住佢嘅嗰条幼树枝度。树枝啪一声断开，佢顺势掹咗几下，终于挣脱咗出来，继续乘着风向上飞。

 | NO.14 |

他啱啱松咗啖气冇几耐，一群白鸽成群结队咁飞嚟，围住佢凼凼转（借音字），好似对佢好有兴趣。佢可以感觉啲白鸽拍翼嗰阵时嘅气流，甚至觉得佢哋对翼随时都会打喺佢身上。

佢知道，今次唔会再好似上次咁好彩嘎了，亦都冇乜弹叉可以帮佢赶走飞到咁高嘅白鸽，佢要自己谂办法至得。佢突然擁（意为拥）起个鼻，噬起排（粤音：棚）牙，有咁肉酸得咁肉酸，对住啲白鸽大声嗌：“嗷呜——嗷呜——快啲躝开！边个再靠近我嘅地盘，我就一啖食咗佢！”唔知啲白鸽係唔係真係畀佢吓亲呢，佢哋“卟卟卟”好快咁拍咗几下翼，就飞走咗了。

虽然壹仔成功吓走咗啲白鸽，但係他唔敢放松了，因为佢唔知几时又会有危险。但係，咁样一嚟，佢根本唔敢睸埋眼，又点样瞓觉发梦，变返一个正常嘅细孥呢？

 | NO.15 |

天色好快变暗。

“嗯？咁快就天黑了咩？”壹仔一边谂一边担高头望，点知，佢见到嘅係比天黑更加得人惊嘅一大䊆（意：块头）雨云，同时，佢感觉到自己嘅身体畀一阵阵怪风扯住，佢完全控制唔到飞行嘅方向。睇嚟，好快就有一场狂风暴雨了！点算好呢？

以佢依家嘅身体，根本经受唔住咁样嘅风吹雨打！壹仔仲未谂到应对嘅办法，已经感觉到大滴大滴嘅雨打喺佢身上嘅痛感。雨水淋到佢成身湿晒，佢觉得自己越嚟越重，下降嘅速度亦都越嚟越快！壹仔咩都谂唔到，他只可以本能咁嗌出嚟：“唔好再落了！我唔想死啊！我要返屋企（意为回家）啊！”

 | NO.16 |

“咦，乜纸鹞都识讲嘢嘅？”

壹仔突然听到一把声喺耳边响起。“边个？边个喺度讲嘢啊？”

“係我，我係雨。其实我叫明仔，可能係因为我唔识喊（咺），所以就变成一䊆（意：块头）雨云，等我一次喊（咺）饱佢啦。”

“我叫壹仔，因为唔想见到一啲嘢，就变成只纸鹞逃走。”

“哈哈哈，咁啱嘅，我叫丁丁，可能係因为我行唔到路，所以就变成一阵风，等我想去边就去边。”

壹仔谂唔到，吹住佢嘅风、淋住佢嘅雨都係人变嘅。佢即刻向佢哋求助：“帮下我啊！我要跌落去了！”

丁丁即刻转咗风向，尽量托住壹仔嘅身体，明仔都好小心咁避开壹仔。然后，丁丁问：“跟住落嚟要点做啊？”

壹仔见到冇几远嘅嗰座大厦嘅楼顶有个雨篷，即刻谂到个办法。“丁丁，麻烦你吹我去雨篷下面嘅角落度，等我凭（粤音似蹦）住墙，安安乐乐咁瞓返觉、发个梦，咁我就可以返屋企嘎了。”

 | NO.17 |

“好，冇问题。”

丁丁一路护送，明仔又体贴让路，终于将壹仔吹到去雨篷下面。壹仔觉得成身冇力，挨住墙，好快就瞓着咗了，仲梦到自己瞓喺暖笠笠嘅被窦里面添。

当壹仔醒返嘅时候，佢发现自己挛（意为卷）住张被，成似条毛毛虫咁。妈妈话畀佢知，佢已经发咗一日高烧了，啱啱先至退烧咋。

 | NO.18 |

壹仔休息咗一日就返学校上课了，谂唔到阿力又试整蛊佢。壹仔先至去咗转厕所之嘛，返嚟嗰阵就见到阿力喺佢嘅座位度挤万能胶。

壹仔搈咗阿力一下，阿力企唔稳，趴咗喺度，双手畀啲万能胶黐住。阿力即刻发烂苴（渣与苴，音相近义不同）：“做咩啊？你係唔係身痕啊？”

“点解唔举起你对手啊？係唔係畀你挤嘅万能胶黐住啊？”

“边只眼见到係我挤嘎？依家係我帮你挡咗啊，你应该多谢我，大喊十！如果你一个罗友（意为屁股）坐落去，黐住你逳唔到，你实喊住搵你啊妈啊！”“係我亲眼见到嘎，而且我相信，唔止我一个人见到。

我都知道，以前整断我支新铅笔、将我个书包掟（意为扔）落厕所、喺我笔盒放曱甴，呢啲嘢全部都係你做嘅！我话你知啊，如果你再虾我，我唔会再忍你！如果我自己处理唔到，我仲有我爸爸妈妈、老师同朋友！我唔会再怕你，更加唔会喊！我要你即刻喺全班同学面前向我道歉！”

阿力谂唔到壹仔突然之间变到咁强硬，擘大口得个窿，咩都讲唔出嚟，衰衰咁耷低个头，掬到块面红扑扑咁。佢想掹返起对手，点知对手畀啲万能胶黏到实一实，点逳都逳唔到。

今次，轮到他急到眼泪混晒镜（未能考），喺度猛咁大声嗌：“救我啊！救我啊！”

 | NO.19 |

嗰日晚黑，壹仔又梦到阿力，但係阿力冇遇到咩意外了，就连踩狗屎咁小嘅惩罚都冇发生到。佢只不过係一个踢住波，喺壹仔身边晒脚法嘅路人甲嚟咋。

【END】

啤啤寄语

/

恃强凌弱是一个世界范围里的问题，对欺负者和被欺负者都会带来终身的负面影响。几乎所有的人都知道恶霸的行为，也曾经被欺负过，或是欺负过一些人。

或许我们家里就有一个像“壹仔”这样的孩子，乐观、体贴，很温柔很善良，善良到即使被欺负，心里也在为熊孩子找理由，甚至还觉得是自己的错，渐渐的，周围的孩子把壹仔的善良当成懦弱，把壹仔的礼貌当作怕事。 

懦弱与善良的界限到底在哪？

为什么同是善良，别家孩子就没被欺负，我家“壹仔”就变成受气包了？ 对于这些问题的答案，我想到当下一句流行语——“主要看气质”，气质从哪来？从健康和强壮的体魄、坚定和自信的内心而来。我们最需要做的是帮助孩子成为更强大的自己，强大到在受欺负时懂得如何自卫，强大到别人不敢欺负你。这也无形中在提醒我们告诉孩子：即使你变强壮了，你也要依然保持你的善良和礼貌，而不是去转换角色变成了欺负他人的混小子。

逃避也许能让你暂时回避冲突，但是内心的愤怒和不满终究会自行寻求到一个发泄的出口，而这难以抑制的负面情绪，也许会在无形中给予你更大的伤害。只有正视内心的恐惧，直面生活中的困境，才能锻就强韧的心志。

不要忘了，我们不是一个人，父母师友都是我们强有力的后盾，遇到困难时千万不要吝于开口求助。

☾

月亮下摇摇如睡去的保姆

❀ 

春风亲吻我像蛋蛋蛋蛋挞

❀ 

水淙淙小河流似喇喇急过头

❀ 

水面小蜻蜓跳弹弹弹点点头

❀

点点春雨降像葡葡葡提子

❀ 

万物在跳扎扎风在期待出发

多谢收看

●♡●

○

○

广府字词，研推不易，希望大家，多多支持！

▎原创声明

语音编录、文案撰写  

/ 

“Eng咕咕猪”大力啤啤&啤啤夫

文案校对  |  刘晓刚

粤字书法  |  黄东波

漫画创作  |  梁嘉欣

版面设计  |  龙顺珊

责任编辑  |  崔毅

▎原文链接

👉https://mp.weixin.qq.com/s/bluYs0C1BI_gCYvPkDKrZg

本文为广韵刘声原创内容，未经允许不得转载，多谢合作。