དབེན་གནས་

རི་ལུང་གངས་ཀྱིས་བཟུང་ཞིང་།།

གངས་ལ་ཉི་འོད་འཁྱིལ་བའི།།

གངས་ཅན་ཁ་བའི་ཡུལ་ལྗོངས།།

དབེན་གནས་
དབེན་གནས་

འཛམ་གླིང་ཞི་བདེའི་ཕ་ས།།

ངུར་སྨྲིག་འདབ་གཤོག་རྒྱས་པའི།།

བཀའ་བརྒྱུད་གྲུབ་པའི་ཁྱུ་ཚོག།

མཁའ་ལ་འཕུར་ལྡིང་བྱེད་ས།།

འབྲུག་ལུང་དབེན་པའི་ཡང་རྩེ།།

གུ་ཡངས་བག་ཕེབས་ངང་ནས།།

ལྷིང་འཇགས་འཚོ་བ་རོལ་ས།།

ལྷ་ལུང་དབེན་པའི་གནས་མཆོག།

ང་ཡི་གཞིས་ཁྱིམ་དྲོན་མོ།།

གདོང་ལ་འཛུམ་མདངས་རྒྱས་ཤིང་།།

སེམས་ལ་བྱམས་བརྩེས་ཕྱུག་པའི།།

སྔོན་ཐོན་མིའི་ཡི་ཡང་རྩེ།།

དབེན་གནས་འདིར་རུ་ཡོད་དོ།།

                        མྱི་ཀླད་ཀོར་གྱིས།