2017-04-14

དྲིན་ཆེན་མ་ལོ།////--------དབུས་ལམ་ནས།

2017-04-14

སྐུ་ལུས་ནས་ཟླ་དགུ་ཞག་བཅུར་ཉེར།།

ལུས་དྲོད་དང་ནུ་འོའི་མངར་ནས་གསོས།།

དུས་ལྟ་ལར་མི་ཡི་ཤ་ཚུགས་འདི།།

རྗེ་ཨ་མའི་བཀའ་དྲིན་མ་ཡིན་ནམ།།

བྱམས་བརྩེ་བའི་བྱེད་པོ་ཨ་མ་ཡི།།

ཐུགས་འཇམ་ཞིང་ངང་རྒྱུད་ཞི་བདེ་ཡིས།།

ཚིག་བསླབ་བྱ་ང་ཡི་སེམས་ཁོང་འཚེར།།

རྗེ་ཨ་མ་ཁྱེད་རང་བཀའ་དྲིན་ཞུ།།

ཚེ་འདི་ཡི་བདེ་སྐྱིད་མདུན་ལམ་ལ།།

མ་དྲིན་མོས་བསམ་བློའི་འཇིག་རྟེན་ཁྲོད།།

སེམས་འཁོར་ས་བུ་ཕྲུག་ང་རང་རེད།།

རྗེ་ཨ་མ་ཁྱེད་ལས་ལྷག་པར་མེད།།

ང་ཨ་མས་གཅེས་པ་སུ་ཡིས་གཅེས།།

ང་ཨ་མས་སྐྱོང་བ་སུ་ཡིས་སྐྱོང་།།

ངའི་ཨ་མ་ང་ཡི་རྒྱབ་རི་སྟེ།།

ང་མི་འབྲལ་གཏན་དུ་གནས་པར་སྨོན།།

དྲིན་ཨ་མའི་སྐུ་ཚེ་ཇེ་བགྲེས་རེད།།

ཚེ་འདི་ལས་ཁ་ཐག་ཇེ་རིང་རེད།།

སེམས་ཁོང་གི་མཆི་མ་ཇེ་མང་རེད།།

ངས་མ་ལོ་སེམས་ཀྱི་ནོར་བུ་དྲན།།

དྲིན་ཨ་མའི་གདམས་ངག་ཟབ་མོ་དེར།།

ཡིད་སེམས་ཁོང་ཉེར་ནས་བསྐལ་བར་དུ།།

ཚིག་དམ་བཅའི་མདུད་པ་མི་གྲོལ་བར།།

དུས་གཏན་དུ་འབྲལ་མེད་གནས་གྱུར་ཅིག།

དབུས་ལམ་ནས།

 བཅས་མེ་མོ་བྱ་ཡི་ལོར་དབོ་ཟླ་བའི་མར་ངོའི་རྒྱལ་བ་དང་པོའི་ཚེས་སྔ་མོར་བྲིས་སོ།།