2018-04-21
2018-04-21 本文已影响0人
26d9f0e04041
2018-04-21
མཁས་པའི་དམ་ཚིག
ཉག===ན་བུན་གྱིས
བདུད་ཀྱི་འཆི་བདག་མཐོང་བའི་འཇིགས་སྔངས་ཀྱི།།
རང་མགོ་བླུན་ཐབས་གོས་ཀྱིས་མ་གཡོགས་པར།།
གློ་བུར་སྐྱབས་ཀྱི་དམ་པོ་བཙལ་འགྲོ་བ།།
འདི་ནི་མཁས་པའི་ཐ་ཚིག་ཐོག་མ་སྟེ།།
འདོད་མང་རྒྱ་མཚོ་འཁྱིལ་བས་འཆིས་བར་ན།།
གཏན་འདུན་སྦས་ནས་དམན་གྲོགས་བློ་མང་རྗེས།།
མ་འབྲང་མ་བྲེལ་ངང་ནས་ས་ཟིན་པ།།
འདི་ནི་མཁས་པའི་ཐ་ཚིག་བར་མ་སྟེ།།
གདོད་མའི་དུག་གསུམ་རྒྱལ་པོའི་གཡུལ་ཁ་ནས།།
མགོ་བོ་སྒུར་ནས་རང་ག་མ་སྡོད་པར།།
རང་དབང་སྐུར་བའི་དེ་ཡི་གཉེན་འགྲོགས་བླངས།།
འདི་ནི་མཁས་པའི་ཐ་ཚིག་འཇུག་མ་སྟེ།།
འདི་ནི་འགྱུར་མེ་མཁས་པའི་གཡུང་དྲུང་ཚིག།
འདི་ནི་འགག་མེད་མཁས་པའི་སྐྱ་རེངས་ཡིན།།
འདི་ནི་འཁྲུལ་མེད་མཁས་པའི་སྲུང་བྱ་སྟེ།།
སྲོག་ལ་བབས་ཀྱང་མ་འཆོར་བརྩི་བར་འཚལ།།
