2018-02-07

འཛམ་གླིང་ཡང་རྩེའི་ལྟེ་བར་གནས་པའི་གནའ་གྲོང་དཔལ་གྱི་ཆོས་འཁོར་ལྷ་སར་མི་ལོ་ཆིག་སྟོང་སུམ་གསུམ་བརྒྱ་ལྷག་གི་ལོ་རྒྱུས་ལྡན་པ་དང་ཕོ་བྲང་པོ་ཏ་ལ་གཙོ་བོར་བྱས་པའི་གནའ་ཤུལ་གྲགས་ཅན་མང་པའི་གྲོང་ཁྱེར་ཞིག་ཡིན། དེར་བརྟེན་རྫོང་རྒྱབ་ཀླུ་ཁང་ཡང་དེའི་ནང་གི་མིང་གྲགས་ཆེ་བ་ཞིག་ཡིན། རྫོང་རྒྱབ་ཀླུ་ཁང་ནི་ཕོ་བྲང་པོ་ཏ་ལའི་རྒྱབ་ཏུ་གནས་ཡོད་ཅིང་ཚང་ཚིང་ལྗོན་ཤིང་གིས་ཡོངས་སུ་བསྐོར་བའི་སྐྱེད་ཚལ་དཀྱིལ་གྱི་མཚེའུ་ཡི་དབུས་སུ་ཐོག་བརྩེགས་གསུམ་ལྡན་གྱི་ཕོ་བྲང་ངོ་མཚར་ཆེ་བ་ཞིག་ཡོད་པ་འདི་ནི་རྒྱལ་དབང་སྐུ་ཕྲེང་ལྔ་པའི་དུས་སྐབས་སུ་ཕོ་བྲང་དཀར་པོ་དང་སྡེ་སྲིད་སངས་རྒྱས་རྒྱ་མཚོའི་སྐབས་སུ་ཕོ་བྲང་དམར་པོ་བཞེངས་སྐབས་ཨར་བསྐྲུན་ལ་མཁོ་བའི་འདམ་པ་དང་ས་བླངས་པས་གནས་དེར་ས་དོང་ཆེན་པོ་ཞིག་ཆགས་ནས་རང་བཞིན་དུ་ཆུ་སྐྱེས་པས་རིམ་གྱིས་རྒྱ་ཁྱོན་ལ་སྤྱི་ལེ་གྲུ་བཞི་མ་ལྔ་ཙམ་ཡོད་པའི་མ་བཅོས་རང་བྱུང་གི་མཚེའུ་ཆེན་པོ་ཞིག་ཆགས་པ་རེད།